Tagzi (le secret)

Izdegh yan uwessar (afqir) d tmeṭṭut nes d semmus tarwa nsen g yan usun (village) ameẓyan g tagant, ddern gis yat tudert tamezluḍt. Yan w-ass lli g idda uwessar s teg°mert, tga y as yat tkuṛayt (taghṛuct) iḍern g tuẓẓumt n ubrid bayttaṛ. « Yiwi-d Rebbi ma xef ad tsuregh, isawel s ixef nes, takuṛayt ad ra-d y teg tamawast, acku taṛemmuyt tessus ifaden inew ». Ik°na uwessar yasi takuṛayt. Is tt ukan tesli tdikelt n ufus nes ar ilemma tsawal. Iẓma uwessar, issak°ey takuṛayt yurri s deffir mennaw izemuẓẓal.
– Ma-d tgit ? isaqsa tt uwessar s umesli (voix) amergagu. Agh°ẓen negh-d takuṛayt ?
– Ad ur tikṣudet, ur ad ak skergh gar.
– Ini ma-d tgit ? yules uwessar i y useqsi nes.
– Nek d annaz (chance) n tudert nek. Gigh yat tkuṛayt mmiyḥergan (magique) lli ra-d isbughlu, tesfalki tudert nek key d tawja nek, tawi y awen-d tiram immimen d timelsa ifulkin. Mac s yat tfada (condition), ad yili umsegdal (conversation) ad negh g tagzi. Ha-en ig iffegh w-awal s tiniri (dehors) ra-d k tut tagat imequren.
Imirew (promettre) uwessar i tkuṛayt ad iqen imi nes. Yusi takuṛayt, yameẓ abrid s tagant ad ig°mer.
Asegg°as an, tafunast nes tefka ak°fay igguten yutin ak°fay n tfunasin ak° n usun d iger nes awed nettan yusi gis imadaghen d taffiwin, is as ak° as tektar tesraft s imendi. Mac, afa n unakaẓ (jalousie) itca tiswin n w-adjaren d ayt usun, ktaren w-ulawen nsen s w-akkaḍ (haine). Kra g midden ar itini mas-d tameṭṭut nes tga takarurt (sorcière). Wiyaḍ ar-d tinin ar iswuri d imdunen (génies). Tebbi tezdayt ger uwessar d ayt usun, feln t ak° imeddukal nes d ar as ttanfen midden. Ur ar sul isawal yan s uwessar, ma y an af t-d yurri umareg n w-ussan n uzlaḍ.
Zrin sin isegg°asen, mqar iga uwessar anesbaghur (riche), idder t en g ughiluf (tristesse). Isawel as iwi-s amenzu kigan n tikkal xef ad ffghen asun, siggeln tuzdeght g tmazirt yaḍen. Mac awessar ghures yat tannayt sers iẓlin, ighal is ra-d teg afsay i tmukrist nes. Yuzen s ineflas n usun, ismunten g taddart n umghar.
– Takuṛayt ad lli ufigh g ubrid, yull tt s ufella ar isawal, nettat ad igan asrag n tbaghurt (richesse) inew.
– Tegullet ra-d teḥḍut awal, tessektit-d tkuṛayt mmiyḥergan, ra-d k tut tagat.
G tizi an nit, temmutti tkuṛayt teg ifigher, tebbi g uwessar teffin-en gis iriren (venin) nes, teg iwutta i tmeddurt nes.

Tasekla tamaḍlant n w-azzan (Tamurt n Saligan)
Asughel : Abdullah U Muḥemmad Aclif (Amasin)
Ass n : 08/05/2010

Fel agh tannayt

Your email address will not be published. Required fields are marked *