Ilul-d w-Anir zund tafukt gh igenwan
Yiwi-d anaruz, tumert d w-awal ighudan
Issus izenẓaren f taddart n baba-s d ma-s
Tels tudert nsen tadawit
Issutel as ufulki
Tg°del-tt tirghi n tayri
Anir, iga tafukt ar as tsutulen imedla
Ad rẓen izenẓaren nes, ur as ufan
Ad deln tifawt nes, ur as ufan
Ur ufan-t tillas nnun a y imedla
Ad kerfen-t tifawin n tafukt

Anir, a y ajeddig
Fsu, tzuzzert tujjutin gh igran n tilelli
Ad tasi tazzwit tanek°mast n usaruf
Tzug sers gh igenwan
Tk°fes-tt gh igran d urtan

Anir, a y iwi-s n umazigh
Iqqan-d ad ak tssels ma-k
Timelsit n imezwura nek

Amawal :
Tadawit : joie
Tanek°mast : pollen
Asaruf : innocence

Abdullah U Muḥemmad Aclif (Amasine)
Ass n : 29/04/2010