Anir inna y-awen max ?

Lhanafi Laadawi

Tamatart  n is mduda isutar n  w-amur
Azerf isker s tghurdin isers acnyal
Wi lli n iwalan  uzzeln irin a yyi lah
Gnun ax gh uqccab n twayya ssuteln ax
Gin ax assagh  s tkndawt nili s ikerkas

Anir afrux ad mzziyn inna y-awen max ?
Assagh inu wafrZiZ x ils n ma nn iwalan
Ifden n itran as nggull a s ar ax ssenn
issanen ma nga d uzazu nx naru  tufawin
kul ass ar smrghant  gh tillass  n w-amur

Amazigh wa lli t igan yuki s umawal
Ix inna uhu y-ibidd ar kix a sen sellan
Azerf ns attid ibbi  x ammas n takat
Assagh ns aZur iddan gh w-ul ar akal

Eladaoui  Lhanafi 27/04/2010
Tarzift I mass Amasus anir
D babas
D imazighn lli tjder trgit n unuhyu gh wamur nesen

  1. tamatart nk asidi lhanaf ann annix
    mas tgit amdyaz ur fllak illa yat
    tirrugza tilli dark tilli tilli nit
    anir inna y ak ayyuz nk s imttawn

    tanmmirt nkk agwma laadawi f tamimt n iwaliwn ad
    ifd n wayyuz 5 timmad , d 5 timmad i yiwf nk

Fel agh tannayt

Your email address will not be published. Required fields are marked *