Ifis, azger d ilew (Eléphant)

Ifis, azger d ilew (l’hyène, le bœuf et l’éléphant)

Iḍ ad zund ku y iḍ, ikka y ak° ifis tagant ar isiggil mas ra-d ikkes laẓ. Mac, ur ikka w-annaz (la chance) tama nes. Is ak° iggucer (mal chanceux) tizi lli g-en iḍer g yan ug°ḍi dat ad ghlin izenẓaren imezwura n tafukt s imik. Yurem ifis ad iffegh ur-d yat tikkelt ur-d snat, mac iggumi ad yaf afsay i tmukrist ns. Ar ilemma isghuyyu, ar issutur tilila i y imudaren n tagant. Tekka teghlaghalt n  tgheyyit n ifis tagant ak°. Mac, awed yan umudar ur as issfeld, negh-d ur ira ad as issfeld. Tkcem tergagayt n tkeṣṣad ul ns d tasa ns, acku issen is-d igh-d uckan ineg°maren tayelgi ra-d gin tameddawt (mettre fin) i w-ussan nes.
Tizi lli g-d teghli tafukt tessuss izenẓaren ns xf tagant, iffugh-d yan uzger izri tama n ug°ḍi. Is ukan iẓra ifis g usila n ug°ḍi y an, tekcem tmella (pitié) ul ns. Mac, azger tsselmed as tudert n tagant ad iswingem dat ad isker d ad ig anamzagh (prudent).
– Sder-d tabakut nek ad gis cbbergh tallet y en zg urwass ad, inna-y-as ifis.
– Kṣudegh ad ak awsegh, irur as-d uzger.
– Acku ra-d ukan tserst iḍaren nk iggi n w-akal ra-d ak gegh tiremt, isemd as-d awal.
– Uhu, fkigh ak taflast (laman) n Rebbi ur ak skaregh gar. Ha-en ggulegh mas ra-d amzegh g w-awal inu.
Issegh°ẓen uzger awal n ifis, isder tabakut ns i y ug°ḍi. Yumẓ tt ifis ittigil dis, igh°li-d. Is ukan slin t tbacilin ns akal, inḍer-en xf umggerḍ n uzger ad t itc. Mac, gar iḍ lli izzri isker g ifadden ns aman. Is ukan iẓra uzger gar timitar yut nit ifis s uḍar, isdubbezz akal. Inker ifis tikkelt yaḍen iwattes dagh agerḍ n uzger mra ur izri y ilew (éléphant) lli iqsen i yat tgh°yyit isbidd sers iṣid n ifis.
– Nek ar ad awen ig anebḍu (juge/arbitre), afegh afsay i taẓit nnun, inna y asen. Issfeld i tallast n kuyan, isawel inna mas tamukrist ad is bahra kersent tglulin ns. Afad ad yaf yan ufsay amzlalagh (juste), iqan-d ad yurri kuyan s udghar nes amezwaru. Isawel s ifis inna y as urri s u°gḍi. Ur iferk ifis i yat, iḍer-en gh ug°ḍi zund anafal.
Isawel ilew s uzger inna y ass :
– Ha tin w’ass ad tezri, tikkelt yaḍen ad sar ur tawest i y idgar d idwac.
– Ghawel, urri s taddart nek, inna y as.
Ur sul iri yan ad ig tilila i y ifis acku ferken as ayt tagant. Izzri mennaw w’ussan gh ug°ḍi, immet s laẓ d uṣemmid.

Fel agh tannayt

Your email address will not be published. Required fields are marked *