Almugar amazigh amzwaru g Italya

Ar thyal tmsmunt tadlsant tamazight g Italya (A.C.B – Italia) ad tsmagraw almugar nns amzwaru g Milano g ussan n -14-15-16 n wayyur mayyu 2010 . Irad tuskaren tugt n imusuten g tugt n imrasen n  tmdint  Milano ,mklli rad gis awsn tugt n isalmadn d inazuren imazighen lli rad yack g kra n tsggiwin n tmazgha Sus-Rif-Lqbayl , ahil umussu yad irad izri s ghikad:

*Ass n sam (vendredi)

Irad tili yat tinnawt f imazighen d umzruy “I Berberi nell’antichità e nella preistoria” g imsri Manga n tkafut n uruy g tizi tis  21.00. irad tskrt tasalmat Alessandra Bravin lli igan tarkyulujit tDid yan udlis f iskiln n tfinagh g tmdint n Tznit , g uzdday iran tafim adlis nns http://www.editions-harmattan.fr/index.asp?navig=catalogue&obj=livre&no=29865. mklli irad gis yaws ula uslamd Vermondo  Brugnatelli lli igan aslmad n n ilsiwen n tusna tmazight  g tasdawin n la Biccoca -Milano .

*Ass sad (samedi)

Irad ttuskar yat taylgi g tinmal n Martinetti irad gis yili yan usfser n tullafin lli tyasaynin  g tugt n tsgiwin n tmazgha , d tugt n tmitar ttuzlaynin f imazighen d tamazgha, g taduggat irad ituskay yan ugitun g tuzzumt n tmdint n Milano g rad gis yili yan unyalkam d imzdaghen afad adasn ttukfan tugt n tifawin f tusna n imazighen d umadan amazigh.

*Ass n acur (dimanche)

G taylgi irad tili yat tinawet  f idls  amazigh. g tdgat irad ismd umussu yad s yat tdggat n umarg d inazuren imazighn d uckanin g mnawet tsgiwin n tmazgha, anazur amqran Yuba g Sus , tanazurt Fatoum g Rif d unazur Kiki ensemble g Lqbayl, g uzdday ad iran tafin ahil (il programma) s tutlayt tatalyanit: http://berberi.org/FestivalBerbero-2010.html

  1. Ayyuz i aytma tngh zgh Italya d tamsmunt tamazight: A.C.B – Italia, f twwuri nnun ittaln aswir i tskla tamazight…
    ar kwn bahra ssimghurgh, ar awn ttinigh ayyuz dagh,
    d s dat afad ad tmgr tskla ngh tayafut n ubddad d tidi d izmuzzal nnun..
    ayyuz nnun.
    ayyuz i umazighn n umaDal akw.
    ultmatun Aza.

Fel agh tannayt

Your email address will not be published. Required fields are marked *