Nkki d tguri

Zund nkki
zund izi ittkrfn
gh isasan n tguri nw
zuzDgh ad sawlgh
ad ngigh
s imuzzar n tguri d wawal
taguri izwarn da nn urmgh
tssfagh d askiwn
tg asawn.
tga tguri afaggu ibbin
ur iyi tumi tirZi wul
tga tiglilit
ar ttini aylli rant
s mk da rant
zund tuga n tguDiwin
issmghi tnt
kuyan gitngh
iga wawal akucam
ur issugr yat
i maDn iman
zuZDgh ad ghrgh
izlan n tafukt n zik
ar gwmmigh
tiguriwin lli s ttarant
igh tznZr i wass!

  1. Tanemmirt nek a Mass Ousouss f tmedyazt ad.
    Ha-d kra n iwaliwen yaDen:

    G°mergh tiguriwin gh taganin n w’awal
    Mdigh i twengam gh isaffen n uswingem
    S uggug n ufran
    Ssiffegh taffiwin i w’arraten
    S tilluna n tgerrawt
    Ssanfegh aswingem amallas
    S umazir n tillas
    HDugh anafaw i w’amud
    d tudert n kuyass…

Fel agh tannayt

Your email address will not be published. Required fields are marked *