Amar ufigh

Amar ufigh
ad ssnsgh aghad  n tillas
gant iyi a3ban n tiggas
aghrab mqqurn f ul n tifawt

Amar ufigh
ad ggh ignna
ggh d tafukt imddukkal
Hbblgh tt gh igiwal
zund azzan d mas
igh iyi ur tri
tffgh iyi… tjdr iyi…
tg siti tiTlZi…
ngh iyi tsglgD s uZnZar ns
ad iyi tkcm gr ighzdisn
zund aSmmiD isqqaqqn
igh iyi tra!

Amar ufigh
ad ggh tagut
aylgh gh ignwan
ssutrgh i wakal
zuzzrgh as imTTawn
n tguDi nu
syafagh gis
asunfu n ul inu..

Amar ufigh
ad ggh akal
ggh i wajjig amud
matrn iyi igDaD
kksn iyi fad
tut tilt s uzmummg
tanni tt inn gh igli
Amar ufigh

ad ggh tazgzut
ajjig amghlul
alkmas ifrujjan
gnun iyi dis tizwa
ggh agllid n uglif ns

Amar ufigh
ad ggh amarg
tzdgh iyi tawla n izlan
n tguDi d tismin d tayri…

Amar ufigh
ad ggh amdyaz
gh ilul umarg
ig iyi abayyur n tguriwin
ggh i ignna d wakal
d tafukt d tagut
aysar nnsn.

Amawal:

tiTlZi : iDir
tilt: anaw n tuga (plante).
igli: idir.
amghlul: étèrnelle.
alkmas: le néctare.
tawla: fièvre.
tismin: jalousie.
abayyur: épidémie.
Aziza Nafia.

  1. Azul ultma Aza
    Izil izli n ussirm n unaruz d tawwargit gh taskla d issfra n tmdyazt
    Zuzdgh ghd nekkin d amar ufigh amladd is zmrgh ur rad iyi tflt hann ur km inn flgh tigurwin dranin lli tjmkt gh taghult n tmdyazt ad tujjt add iwint i ufgan am tazzwit !!!
    Tanmmirt
    Ayyuz
    s tumrt
    Gwmam Zalhoud

Fel agh tannayt

Your email address will not be published. Required fields are marked *