Is tktit

is tktit nkki dim
lligh nga imakrn n tizi
mid n tukrrda an nurm s infarn ngh
is tktit lligh nhrj tifawin
ndl s tillas
adagh ur ssaggint, tiwallin

is tktit
lligh km flgh
tgitiyyi d ugaywar n tayri
urrighn dagh gagh agdid nm
mnck askm myargh
imyaragh ubrid
igh t nsli s isuraf fssusnin
am ifrawn w-addag
is tktit taghwrit ngh nzmmim
gh udmawn n wiyyad

is tktit
azmumg inw
tkwlit s wanir
tdfrt ar tfssit
atrgh taddart ngh
is tktit mad ur ttugh
a tiflut n ul inw

  1. Azul a Ssi Elmannani,

    Gigh en afus ad agwmegh tayri s w’uraw
    Igh ukan lkemn imi, tffertel ger iḍudan
    Tasa trufa, tra tissi inghan irafan
    Aman, tiguriwin nun t ad-t nt igan

    Ul igellin isellaw
    ar ittwarga s isura n tayri
    Ad gis n ssa, uten s iẓuran
    zugen gh igran d w’urtan
    Ajjig iẓuzḍen tafukt gh w’ussan semmiḍnin ad gan
    Tuga ikermn iran tuksi d uzwu irghan…

Fel agh tannayt

Your email address will not be published. Required fields are marked *