Taddinga

Taddinga… taddinga…
tusi awlk tasi ganga!
a tanflukt… mel agh manga?!!
mani sigh rant twwurga??
izd tilelli turu tissumga?!…
a imazighn ur nefl izuran mqar azwag…
nkk z mad ssikigh akwfay n ma
ad ssududgh ilmec unaruz
acku azirz n darngh illuz!!!
iferd gh tamimt d imrzig…
mqar azmz ilemz awtay!…
agwin sar assiti ibidd!
nuzzel aylligh nRmi nzzel…
nsummr ar dagh nrkkem!…
narm tnt i tasa d ixf d ifassn!!
nghal mani ur igin ghid izil
nagwl iss imal ar nttemlilli!…
ar sigh ttazzal f taddinga tnflukt…
tafukt nngh da nmyar imdla ntelntt
azmz izubdi singh ghar id…
anaruz nngh art nsemmstay
gh tffudllas n idir… izug!!
nssutr ad as nssudun tiwallin!
igh angh tsselkm tnflukt ar aftas
a nsiksel ukris n twwurga mad usint?!
nbidd i tudrt… ard nSku tirrugza
nssali dagh tiyyad i taddinga…

23-04-1993
16-08-2006

Fel agh tannayt

Your email address will not be published. Required fields are marked *