Nker a y-illi

Nker a illi

Ffi yi,
ssanf yi i
ungi d icfln.

Arm yi,
sgganti yi ;
nekk d tbninnizt,
ugmim izwarn,
ad n issulwu g tagut
imuddan
s izmaz ur ta d ilaln,
allant ayt-dari g tmghra,
ikerkD uzmumg d umTTa ;
ul ityasasn s isasan da
yi tulm tbghaynust g tiwurga
tislit ur trsm, tllan sul g tulsa,
mkDudint ulli,  riyznt g twrga,
uccn ar iSinsig,  tili ar tsaysa.
Yals ils,  ils timlsit n isli,
tnsr tslit i unzar,  ur ta tlsi ;
inder igenna ; iggig ur imdudi,
Ttalb iskkel d yasi d tikni :
Qqant d tirra ad tzgr tayri !
Igh d tasa walli tra ad tsti,
max iz amrwas,  is tga tili ?
Srmgh anssam g usirm n unstim,
war ism,
urunt ayt-dari ttun as ism .

inxabbel iD d uzal i unlli
mmu ckigh
gr tissumga d tidet izugn,
addumgh i izmaz d uDanin
ad gin imal, imil afuDn
d ugmim wis sa.

Asi yi
ut siti

bbi gigi tarwala
n utrum tzgr tawda,
nekk d Rbbi,
Rbbi yan ad nga ;

assan km righ i tissumga
nekk d sim Rbbi i kra nra
zund igr, imsidnt tigwrsa ;
igh ur tmdudit tinit yuda,
tawayya g ixf,
sar tukzt a illi,
amadan min taslalt,  igudi ;
tamagit, igh ur tdrfit, rad txsi ;
tawtmt ikerfn,
mgal n tlilli ;
matti bbi iskraf i unlli
all awal,
zund nekki
zund kemmi !
gar d unuhyu, jjun gan
win Rbbi.
Abrid izgrar
ittut s isnnan
nekk dim
ad tnsnfl s ijjign
nssut s tayri d unaruz
fkgh g is tadla i ma’m
tstit tawckin
i wan tra tasa nm
ugmim igguran
nker a illi !

Tuzunin Mars 2009

Fel agh tannayt

Your email address will not be published. Required fields are marked *