Home » Amarad » Tawada n tuwja n uslmd g TATA

Tawada n tuwja n uslmd g TATA

Tsnmala tuwja n uslmd g Uqbil n Tata, tamazirt n ugrawal Hmad gw Ugwlliz, igan yan g irgazn n Uzarug, tsnmala yat twada  ass n usamas 21/03/2010. s twisi n inlmadn n tsggiw n Tata, inlmadn ffaghnin s Usuk f ad sawln f uzrf nsn g tghri, am marra tarwa n Tmurt tamagust. tack d twada yad xf Ufru f tmnadhin aggugwnin lli ra d thiyyl tnghlaft n usgmi d uslmd s yan warra n tnbadht g ma d nn ur yaggugn. Twala nn twwuri Tanaqabiyt tawwuri n umsiwil d Taymunt tanghlaft d iddan dhfir n twada yad, f ad sgaddan tirsal zwarnin g mad izlin s Ufru i tmnadhin aggugwnin, d iswighn yadhnin gutnin g iger n uslmd g TATA marra, ( zgh imi uwgadir, Aqqa, Tissint, imi n Zgidh, Tagmout, Agwlliz, Fdoux, Yghurten, ijja, ar ttmi n tsggiwin n Uqbil n Tata ) tg twada yad asghdhf amzwaru  ( alarm ) f Ubuyy war iwtta, ( la gréve illimité ) igh d ur iggiz ufssay n tmukrisin n tsga…
zwurn unnurzm f Ubuyy n uslmd war ttmi, kra n ussan mmbdhanin f ubuyy n uslmd g tsga n TATA.
Tg tsga yad tasga tamaggugt yut usmitti gh tiggt igh ur nenni g marra n igran, iger amadan, iger anflan, iger ademsan, ur bahra nmalant tgharasin tinflanitin g TATA itwaykcamn g « Umur-wkuc ur iRwin » g Tsrtit n Uwenk amrrukiy.
G Umsiwil nger Taymunt tanghlaft d imslayn n NNaqabat issf Mass n Takadimiyt n tsga n Ugwlmim-Ssmara, Awal ns g inna : Ur tusi Tuwja n uslmd tamasayt g tsga y-ad !!! g ussan n Ubuyy n tghri.nsskwti d ma s dd tisggiw yadhnin zrint g zund Addad ad aslmdan, zund tasga n Tzagwert (Zagura ) g ussan ad nn ur yaggugn.
G tgira n Umsiwil ad isarn, tffagh d  yat Tifawt imunn xf ad ilin izrfan f tlla tghuyyut, d  Umsasa f ad tssnti tghri g tsga y-ad g 26/03/2010, huma ad ur ilin ibayttharn ghur inlmadn, g twada n sn n uslmd d ussan n Uzzray d yakmurn.
G twada yad, nzmr ad d gis ngger i tmukrist lli d iluh Ighimi amattyy n uslmd, lli gh ibder s yan mamnk, ma s iga Uslmd n Tmazight abaytthar asgman, nara LLafita yili gis :
« Aslmd n Tmazight d azrf anamur, urd d abaytthar asgman » wakhkha illa ma d yyi innan : Ur d yusa ad tallt Tamazight g Twada n 700 Dh d izrfan yadhn !!! wakha nmsasa f ad d ur nsawal g ugens n « les Cadres » n kra ygatt yan, d mnid ns, acku tawwuri n twada tsmun marra !!!
Ar nttall ifassn i islmadn d inlmadn yuwwsn g Twada yad n izrfan, mk lli nsnimmir agdud yulln agerdh ns s izrfan ns, f ad tlkm tghlaghalt wid inbdhn s yan Udm.

Kra n Tulafin n Twada yad :
Ad tnt nadj ad sawalnt.

Comments

  1. amanar hassan dahou yeqqar-d:

    azul amghnas ayyuz mrra i imghnasn g tata yyih i tamazight g tinml.
    uhuy iwsnhyu yyih iwsmgiddi, tudrt i tmazight.
    ayyuz

  2. azul am9ran agouwmatngh abd rahman ayyuz f tghnssa g adghar n tata d azrf n uslmd tanmert attas

  3. elhadinu yeqqar-d:

    Azul imdduwkel,
    Tanemmirt x umgrad-a u xef tizemmar itt-ggem bac att-tutlayt nnegh teddar u tacna.

  4. mhamed yeqqar-d:

    ayuz imghnassen n tata .dawen yawss rbi

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*