Snat tutmin gh tsmghurt n 2M

Asays n tskla d tirra s tmazight iznZr ussan ad, snat titratin smrghant gh ignna ns, utnt s tifawt, snat tutmin ti3rrimin iwint tasmghurt n 2M n usnflul s udm ns amazigh slawan akkw tasga n sus:

1- 3aziza nafi3 gh tullist, s twckint ns n tullisin mi tga s ism: “adfl d imttin d kra yaDn”.

2- Hanan gahamou gh tmdyazt s twckint n tmdyazin mi tga s ism: “asirm n umnir”.

Tutmin-ad gant s snat zg ugadir, gant addur i tmdint nnsnt, ar mmalant is-d tawtmt Tamazight tga nn tuggas ula nttat ad tsbughlu asays n tirra, tkrz amud n tguri, tg tsmghurt ad tugga n wis tga tazayya n wawtm gh igr ad n tussna d usnflul ngh d is t akkw tzri.

s ism n tzlgha n tirra n imaratn s tmazight ar asnt nttini ayyuz, tgamt addur i ils amazigh, tallmt atig i wawal ngh, tkwfismt gigh taflst gh imal n tskla ngh.

  1. ayyuz i tutmt
    ayyuz i tmaghin timazighin
    ntnti ad izwaren is slmdent awal izwaren i w-arraw nsent,ar nssimghur 3aziza ula hanan iwind tasmghwrt mqquren, afus n tmghart ar yakka tammimt i tskla tamazight gh klli yakka ufus ns tammimt i tiram .ar awent ttinigh ayyuz ayyuz ayyuz ayyuz f tsmghwt lli tiwimt n 2m ,ar nssimghur ssi muhamad ousous f tuggas ns ula nttan .
    tluhmt amud lli d ismghin ijddign n tmazight lli is d ifulki w-akal n sus,tamazight tluh s izghran ns,illa ssi3r ,tlla tayri ,tfka tayafut ns.
    tanmmirt bahra ifulkin .

  2. ayyuz i tutemin aziza d hanan ula sul awtem.
    s tmalda yad ar nsghud tarwa n tamazight lli isfalkin udem n tmazight gh iwiz n tsmghurin n tasakla tamazight gh 2M.
    mklli srrim ad mghin ijddigen yadnnin ad afin arcac lli srad luhen tujjutin.
    ayyuz nsen d ayuuuuuuuuuuuuuuuuuuuuuuuuuuuuuuuuuuuuz

  3. Azul adelsan

    Timmughra i Tmghart Tamazight,
    Asnimmr i tmarat Aziza Nafia AZA d tmarat Hanan Guhmmu f turmyt n snt g iger n W-arra amazigh, mk lli nssitim annurzm f tghri tanfrant i Usnflul atrar n Tuwtmt Tamazight. izmrn s twwuri ns amhizwar ( Chala ) d uwtm g ubrid ad aghzzaf, ar takka timatarin f Tzwiri ns.
    Ayyuzzzzzzz i w-udmawn zilnin.

    anirazoulid@hotmail.com
    amazighfdoux@gmail.com

  4. Ist ma Aziza d Hanan,
    Righ ad awent srghudegh tawwuri nnunt… ayyuz xf ku mad turamt ula ku ma rad taramt s tmazight.
    Gigh immi d ist ma d id lalla d illi gh lhrz,
    A tutmin a timgharin a y-amud n ssi3r.
    Ali Chouhad.
    Ad imghurnt tutmin timazighin.

  5. Azul fllawn aytma,
    tanmirt bhra irghan i mass M garhou, A ibou3nan, A ouboubker
    d admin ngh (mass agwilal) f iwaliwn ad nnun mmimnin..
    tirra d usnflul s tmazight ur sar rad mmtn, acku gh kra y gat tusdadt gh iggi n wakal n tmazgha ngh d amaDal, ar d itlal umara(tamatat) amazigh amaynu, taf tin yusi asafu yall t s uflla, yini: hayyi awd nkki mungh d ubrid n tirra d usnflul d usnabbac… s ils n tmagit inu, ils n tutlayt inu, tutlayt tamazight!
    tanmirt awd i tayri nu lli nn igan amgrad ad…

    Tanmirt nnun kigan.
    ultmatun gh usays Aza.

  6. azul,
    gh tsga inu ar bahra nssimghur aziza d hanane,inigh asnt ayyuz nnunt,abrid ifulkin tkkamt t ira sul ad nn tgimt tuggas yaDnin,tawwuri nnunt igh t inna rbbi rad tg i t3rrimin ula i3rrimn imazighn yan umdya asn ittawsn ad ttaran s tmazight.
    ayyuz.

Fel agh tannayt

Your email address will not be published. Required fields are marked *