Timzwura n tsurifin n ufran amazigh

Mohamed Akunad

Tssnta tskla tamazight ittyaran ar tskar tisurifin ns timzwra ar tsiggil s imghri,(lecteur) ar tsiggil s uzrf anamun, mqqar nit sul ggutnt tsiwagh,(empêchements) tin brra d tin jaj, ass xf umas, ar ttidu s dat, ar tsmun tirimitin(experiences) ar tkkat s izuran g wakal,
Anawn akw n tskla tamadlant tmmagh tskla tamazight ad tn tsnnubgi,(hospitalier) acku s mk ann rad d tssudf(tsskcm) idammn imaynutn, rad trzm iggura(portes) yadn i tarwa ns, ilmma rad tmsawad d tskliwin timadlanin, rad darsnt tamz, tfk asnt.
Tidt ad ad s tssn Tzlgha n Tirra lli iluln g wayyur n yulyuz g usggwas n 2009 llig tsmun uggwar n simarw(20) n tmaratin d imaratn ad munn i yan wawttas : (but) ad sbughlun tirra s tutlayt tamazight.
Zg ass ann ar ass ad tsnmala Tzlgha krad inmuggarn n tussna, amggaru gisn illa g wass 27-2-2010  g usagraw n usalmad g tmdint n ugadir, ittuwzlay i (tighriwin tinfranin g tadla n tmdyazt ittyaran), uzrn(participer) gis isalmadn ad :
1-   Muhmmad Elfrxsi lli yuran xf wawlaf anmdyaz(image poetique) g tadla n tmdyazt tamazight tatrart, adris lli yura muhmma Elfrxsi iska t s yat tutlayt tamazight izdgn, iga inzgi ad ig g tmdrust n idrisn n ufran amazigh atrar.
2-   Racid Jadal, lli yuran xf ummutti n tmdyazt tamazight zg tallit tamiwant(oral) ar tallit n tirra, g udris ns lli ittyran s tfransist, immagh usalmad ad d issaghw idis(influence) n tmiwant g tadla n tmdyazt ittyaran.
3-   Iyad Muhmmad lli iskan adris ns awd ntta s tfransist, izli tighri ns tanfrant i tadla n tmdyazin n Ali Azayku(Izmuln)awd ntta, isrs xf wawlaf ismurgn g tmdyazt n uzayku, daddas n imdyazn.
4-   Larbi Mummuc: iga(Tagldit n tiggas) tadla n tmdyazin n Usus muhmmad d umrnu lli xf iska tighri ns tanfrant, isrs attas xf tngalt g tmdyazt tamazight, lli mmi iga wawlaf yan g ifrdisn ns imqqrann.
Idfar d tinnawin n isalmadn, yan umyanna idran.
Iga g usnfar( n Tzlgha n Tirra ad munn idrisn n unmuggar n tussna amzwaru, d unmuggar ad wiss krad ad gn adlis amzwaru lli rad tdi tzlgha n Tirra.

  1. Azul anfran

    Ayyuz Adda Muh Akunad f tdhfuri nk i tghriwin tinfranin g yan udm,
    Asnimmr i Tzlgha n Tirra s Tmazight, Tamdhfurt n tguri tamazight s w-anaw ns marra,nssutr tigtt n tghriwin tinfranin g imal n w-arra amazigh, Mech, ghikann idhfar yan usgudi bahra yuman i Tskla tamazigh, d uchnubbch g Tirach ns.
    ar nttal ifassn n imssntiyn injjRn abrid anfran ifawn g iger ad.
    S dat !!! Ar sul ttmun tagut !!!

    anirazoulid@hotmail.com
    amazighfdoux@hotmail.com

  2. Tanemmirt nek a Dda Muhemmad, tanemmirt akw i y ayt “Tazelgha n Tirra s Tmazight” f tuggas lli bikksen d tizmarin lli n gan ad telkem tsekla Tamazight aswir n tirra d ufran.
    Ayyuz i Tzelgha, ayyuz i y imaraten d timaratin s Tmazight.
    Tudert i Tmazight.

  3. Azul adlsan,
    tanmirt kigan i uslmad ngh d umara ngh bahra mqqurn mass M.AkunaD f umgrad ad ns bahra iZiln.
    amgrad ad ar issisfiw i imghran ngh mas d tazlgha n imaratn s tmazight “tirra” ur tkrf ifassn ns..
    maya d ar immala mas d zgh ass ns izwar ad tswwuri tg nn tuggas ns afad ad tsslkm i ugdud amazigh kra, ngh d ad as tssisfiw abrid n tskla ngh, taskla tamazight mqqar d tsiwagh lli sul llanin, macc “Tirra” nttat tusi d yan udm amaynu s ugdud amazigh igh ur n nni win lmghrib marra, tsti tagharst ns tg dars tirra s tmazigh intti d uwttas bahra imqqurn.
    ar ttinigh ayyuz i ku mad yuwsn gh i tmsmunt ad tamaynut mqqar ur as ighama yat ad tkmll asggwas ns izwarn….
    ar ttinigh i ugdud ngh mas-d tirra trzm ukan sul aggur ns i imaratn d tmaratin ar tagara n wayyur n brayr, wanna (tanna) iran ad yaws gh tsmghurt n “Tirra”, tazlgha ar situn tsbrrak.
    ayyuz nnun
    ayyuz i imaratn d tmaratin ngh
    ultmatun Aza

Fel agh tannayt

Your email address will not be published. Required fields are marked *