Home » Tamdyazt » Dffir anZar

Dffir anZar

iDr d unZar, tswa trgha
tagant am aZrf ar tsmrgha
bu iklan uRcim baqzzwa
irgha, icca, iswa…
yasi taghwrit yawn i ignna
«tankra, tankra… nkr add» as inna
d «tlilli tga lallas n tissumga…»
isduy d yan iTTaSn ar ittwarga
yaggw d bujdghlal ar itsaysa!
yannit inn ifkr ntta ar ittSSa!!
yazzl imil yakwi nn gh tamda
«aman yaDnin aya», tnfl twada!…
ar igrru ugru s ight inn iZra
ighalt igD! yakwi nn gh waman f iZra
ibrr7 akkw i yimudar… ar yaqqra
yiri att id illil ucaqrra
ar ittakwi aylligh nn intl gh tuga
ismun d akkw imudar fin tuggwa…
agraw n imudar utn awal gh aflla
«tagrawla f iDS… ad tili tagrawla…»
imZZagh ka dd yiwin winsn amyanna
lligh sis rirn igDaD gh ignna…

31-08-2007

Ziri Ouafi – Anir Ouafi

Comments

  1. mohamed oussous yeqqar-d:

    ayyuz a mass mohammed, tamdyazt nk tmmim tfssus tZil gis timitar n umdyaz mqqurn issnn ad isti tiguriwin ns, issnn mamnk s ittara i wazzan ula i umqqran, ayyuz nk bahra, akk yajj rbbi i warraw nk.

  2. aziza nafia yeqqar-d:

    tanmmirt mass lwafi f izlan ad ifulkin issimimn ils, fln taDfi gh ul acku ar ttawin s umaDal imlluln n tazzanin, asin k f tarikt n twwargiwin. tanmmirt

  3. Ouboubker Abderrahmane (Amazigh fdoux) yeqqar-d:

    Azul ifsan

    S w-addad ifsan, as mmghint tguriwin n Tmdyazn n Mohamed ouafi, lli izmrn ad issfugl Tagrawla n w-azzan g imal n tguri tamazight, yaywa ar as immal inggwan ns chathrnin g umadhal n imudar, willi ur tssiwid taghart…waxxa tghzzif tizi ns,
    Ar sul itthar unzar !!!
    Ayyuz Adda Muh f uswuttu n iger ad n w-azzan.
    S dat !!!

    anirazoulid@hotmail.com
    amazighfdoux@gmail.com

  4. tanirt yeqqar-d:

    ayouzzz nk agouma adak yaj rbi tarwank ihdoyakten yarbi amine

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*