Zehra, Tajjigt n yan w-ul: timnghit n Marur.

Nger imirn zulnin s tadhfi n tzmi, aghd tmmghi, tg tawwargit tawraght,  ar tssnfal initn i tghrma n udm inu, tklu imudal n unnli inu,   tsmmghi laz n tayri,  mmnsgh s rs,  tsmmghi tizi nw,  tsmmghi tazdught inu,  trz iwtta n imirn n tlalit ns.Tzuzzr  tifiras nsn, tffer iskkiln n talla nw,  tsku tanwalin g igidar n unghubu,  tagwl gisnt tighwmas n igider n Ounamir d yat tzrurt tac-hbunt,  ari yyi ttara turarin n usdlfu,  tsshsu yyi qac qac… tals iyyi s ugerdh ns I tlalayt n idmarn ns,  thbu flli timnirin n tmdhlt n Marur ger uffan ns,  ar zrragh inaghan… tamlla n tajjigt fllak a Marur. llasn igidar n unghubu a tajjigt n unghubu, …ar itthar w-afar n jaj inu,  dat n inzarn n unbdu ns,  ar slmacgh taghart n itran inu,  s waskarn n ughiluf,  d w-askarn n Marur immutn ger uffan n tmirit inu,  timnghit n Marur. gawrgh,  g igidar n unghubu,  ar smaraygh ighasan n tmktit s igidi n imal n tayri… gegh am lhzzan g ifri n tzilla,  ar ssnwagh tizilla s usrghu n ukwttay,  tad inwan,  tad izlfn, tad ijdrn,  ciccigh tnt i tayri tamalazt ger ifassn ns,  tg tmirit inu,  taguri tawlawalt g umawal n usmmgru…  idder ujrubbj inu tafsut n izri ns,  gawrn imula n unufl inu,  saggwmn umiyn n Unamir d Rumyu d imarayn id war tamagit,  gernt tallasin n unufl gnt asddul f uzmummg n tmirit inu,  tettr taguri s tutlayt ns igrsn,  gnt twinas ns allas n tallasin,  tfss,  ig ufssa ns azwag … amuddu s war adghar … g umuddu ns,  tiwwl inzgam inu,  tssfugl timyura ns,  gegh imsswi n inagan n tmghra ns… igi fad tazult,  ar ttirirgh… ssfuglgh assagh n tmirit inu… zmmzdagh askkil ns amzwaru g isni n twwargit inu… gegh amghar s yan uskkil . Z . amugh I wefra,  … ar frrugh I tqbilin … frugh arraten… timyurin n tmirit inu qqennt,  gant amzruy,  amzruy ittyuran g imirn zulnin s tadhfi n tzmi… g ugens n umzruy ns agh tiwwl inzgam inu…taru disn iskwla n Tanirt d Julyit.

  1. tanmmirt nk awma, hat tssusmakh bahra tllist ad nk
    nssitim ak annaz ighudan g tgharast ad.
    ayyuz ayyuuz ayyuuuz awma

    s dat

Fel agh tannayt

Your email address will not be published. Required fields are marked *