Home » Tamdyazt » Ur-awn nnigh yat!!

Ur-awn nnigh yat!!

Afra da tennam
is-t tesgham
a igldan
s imadann imzlađ
ar ukan itezdam
tigttufin
da ra-kwn issanf
ar atig da tswam.

Tagrawla da teghalm
is-tt tengham
a imgharen
a id bi-işumam
s tkerkas d inuraz
ar ukan telal
gh idammen da tenqqam
tiri-nn darun
ad-awn ka tmel
mad igan dder.

Sselkemgh aneghmis
Ssusgh amezzugh
Ghergh i tgrawla
lli ra-d yawi afra.

Hassan LAAGUIR
Granada
Ass n 10/02/2010.

Comments

  1. aziza Nafia yeqqar-d:

    Azul adlsan,
    ayyuz nk a mass,
    izlan ad lli turit ur idrus ma-d nnan!!
    imun ughligh n mad ur tnnit d tlalayt ns!!
    is akw sis frurin idrarn!

    ayyuz nk tiklit yaDn.

  2. tililly khadija arouhal yeqqar-d:

    nssutr afra nssutr taguri izdgn llid trchamn ifasn n imdyazn llanin gh uswir mqurn slawan ak igh tla tguri ammak iziln zunt tad li ttara umdyaz ngh amqran ayyuz nk ayyuz

  3. Hassan LAAGUIR yeqqar-d:

    Tanmirt kigan a istma.
    Rad nsul ad nettara s wawal negh acku ar nttiri tudrt s tmagit negh.

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*