Awal n tiddukkwla

tiddukkwla tkka d nnig tagwmatt s yan imikk
a yamddakkwl inu gigh ak zud babak d immik…
«hak ara» awal n imstagn ur t ndra
wingh nkki dik yut s iZuran idra
awal nngh yak imsasa
lligh tlla tasa dili tasa?…
a yamddakkwl inu gigh ak zud babak d immik
gh inn ka gh nn tllit zud igh nmun nkki d ik…
ssfldgh ak urta tsawlt
lkmgh k inn sar waxxa tghawlt
sardmgh ak urta iyyi tghrit
zud tazzwit amarg yusi taghwrit
nssfld i udinan d uzawan n tasa
asyafa i7uc i7ids ar ittsaysa
ar tsnyifil tumrt unughn i tmlsa
nsummr iznZarn nns ar issn nrqqa
ar nttazn aridn… ig d warcic timqqa
azirz n ussan nngh imzwura ar t inqqa…
Igran nngh d tghula nmun asn s tiwizi
nawK iDrfan turrut, nawitn tighzi…
taggwat nngh nmmullitt nmun as gh tizi
ighbula ngin d… tudrt ar as nttiyrir
ijddign mmghin, iZil usmmaqql ar idir…
timaxirin nngh nga asnt tiDaf n7Dutnt gh ugadir…
taddart nngh turtit n kra igat unugh
ttiykraf iss tasa d iZri d umZZugh…
ggummigh sar ad asnt afgh anggu gh uzddugh
dadda s n iggi n wakal winnagh
lalla s n tmizar tinnagh
ndratn nkki dik, ndru ma d gisn ad tn nssdus
ad nmun i wawal, nsmunt gh rrif d Zayyan d sus
nssuss uZway i yufran nngh nals as ar d ighus
nttghwi gh tardast n wakal nngh ur darngh tdrus…
tamagit nngh d tghrma ad tnt nsghudid
ghiklli n ma dihya d baba yuba agllid
isuraf nnsn ka ra d nDfuR ur sar nbidd
ar igh ann nttannay tawwargit tkkad umnid
nsbrrk s ighallen tillawt ar tt nttmnid
nddrtt… ndru tudrt iZilen iffagh unkkid…
nsmun tamgra
nskr tamghra
islan nns gh imlcil tarbit d urba
gh tudrt nngh immi d baba…

Fel agh tannayt

Your email address will not be published. Required fields are marked *