Home » Tamdyazt » Tumert n tirra

Tumert n tirra

Tumert n tirra
Tirra s tmazight
ul yađn ad g-iti smghaynt,
ar-yi tggant d unarag
n wakuc ifulkin
ar yi skwtaynt ifessi
igh ur iga tawssna
ur ad ig tamttant.
Zik n kra igan taguri
Ar teżallagh i imaratn
Ad ka ssengin,
Ar-d tlal tgrawla
ittallen tamagit n ku-yan
Ar-d tagwr izmaz n wiyađ.
Tirra n tmazight
Usint afra
Tadhen lmut.
Hassan LAAGUIR

Comments

  1. aziza Nafia yeqqar-d:

    Azul mass LAAGUIR,
    Ayyuz nk f tmdyazt ad nk ifulkin slawan akw lligh iga usntil(sujet) ns f tirra s tmazight d tumert lli yak takka tirra yad…
    Ark bahra ssimghurgh kiyyi ula ku ma d igan amazigh, isyaf sis, yara sis, isawl sis, ifkas atig i gitt d tmzwarut gh tudrt ns afad ad tbughlu tili nn gh uflla.

    Tanmirt.

  2. khadija arouhal tililly yeqqar-d:

    tumert n tirra tumrt n tghnsa tumrt n ssi3r n uskkil adagh ismun gh ubrid n tmuzgha ayyuz a y amdiyaz ayyuz a imiri n tguri iziln ayyuz f tugga lli n tggat f tskla ayyuz nk

  3. Azul amdyaz Hassan
    Mass Laaguir
    Ark snimmirgh attas f tamdyazt ad izlin s tmagit iziln s tirra n tutlayt tamazight ittyaran s urin n ul nk
    Ayyuz nk
    Ar timlilit
    ujjigh ak afulki d ufra d tmrt gh tudrt
    Gwmak Zalhoud

  4. Hassan LAAGUIR yeqqar-d:

    Azul a istma Aziza d Khadija,
    Azul ssi Farid,
    Gh umzwarssurfat yi ur ufigh ad-awn raregh g uzemzns acku tiwiyi twuri.
    Tanmirt kigan f iwaliwn n-un(t) lli g-iti isdusn amarg n tirra. Ar-aqragh mad taram(t), ifulki bahra watig ns, yirwu kigan i usdus (renforcement) n tmagit n imazighen.
    ad-awn ifalki wass.
    Hassan Laaguir
    Granada

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*