Afcad i trabbut n Izmaz

Gh ass ad 14/01/2010, tizi 4h00 n zikk , tiwi tmttant anazur ngh mqqurn, anbdad n trabbut n izmaz MOHAMED KHALDI BELYAZID, gh Tafraoute, khaldi blyazid iga gh inbdadn n trabbut n izmaz lli ifkan yat tidfi bahra iggutn umarg n trubba, trabbut ad lli d iluln aseggwas n 1974 yiws g is Belyazid s kigan n tmdyazin yat g isnt ar g is ittini:
Azul a y-amazigh ula makk iwalan
Amazigh tifinnagh as ra yara ttarix
Imi n izm agh tid nkks imma yiwitnt
Afus iz3mn f trgin ka ttnt ittasin
Asi ssi3r a y-amadir yasitn waman
Ann akw nssu ghilli jjun ur tlkm a y-aman
Azur irufan ad ittluh s tayawin…

  1. Ad ur ttugh

    I iman n Mohamed Khaldi Belyazid amghar n tarabbut n Izmaz

    Ahh inu gigh igigil amtta as aragh
    Taghuyyit n issfra d uzawan amazigh
    Amdyaz Muhmmad ahh inu tiwi yik
    Tacc ann igan tmttant ur nn akkw ntam

    Idgam ad nssar awal gh igiwr igan adlsan
    Ingid izli tngid gh imi nk tamimt ns
    Ghassad yudd awn w akal d uzru lli issnsan
    Urar icku timitar nw arraw aghrfan

    Tudn k inn tallunt ha lutar is ar akkw allan
    Amghar n Izmaz azmz magh k ur ittu yan
    Im Rbbi s usnfu hann ssngh iman nnun
    Ljnt ayk nssirim ida nw anaw nnun

    Aswir ann gh illa unazur idruys gh imzran
    Adrghal afgan cala tiwitn s urwass
    Idfar adrim ur tid yagh amr s ikrkas
    Ittuk ittu mas tagwmatt ittu may jran

    Farid Mohamed Zalhoud

Fel agh tannayt

Your email address will not be published. Required fields are marked *