Azwah n w-agad

Turawt igguran,
imi nm agh tid gwmimgh
kun idh
dlgh s wawlaf nm
dulgh s takat nm
ad yi ur tjder;
imil nuddemgh,
amumgh gr izula nm
ar yi isduhdu uncud nm…
Max iz ….
ad irigh
ad azzergh I tmggert nm
zgrv gr uffan
ar yi tsaqsat xf usini
d umnay..
xf umnnas d ikabarn
xf tiwrar d uzalul?!…

Taziri tmutr agh
yat titt as d tssugga
zzaza n ifssi ngh
ismdurrun iraman
ixrrin ifssi
n tnzzruft;
yat yadnin
ar ttirir
izli yura ubasur
s imzgan n urffak !

tssemdit yi amalag
n urrumd
tad ad ak igguran
ayhayya
tsgln izmuln
g tasa
yafudh gigi ughdjaj
n tmghart da ssargh
tufriwin iban
d ussan d ikkan amzruy.

Trmit a immi,
kra tlkezt, ilm ihrussa
trmit a baba,
kra tkerzt, tirizit trufa

  1. Azul a Rinas, Han fulkint kigan timdyazin nk lli zrigh g wansa yad, d tiqburin yadni lli tuznt i Tasafut. Nra ad tedit kra n tawchkint n umarg. Ayyuz, tamazight tra uggar. tirra s tmazight ad igan tagharast n teghensa isugrn.
    Hassan LAAGUIR
    seg Granada

Fel agh tannayt

Your email address will not be published. Required fields are marked *