Awi-d afus (Tarzzift i y-inkraf imazighen)

Khadija Arouhal

Awid afus
ansmmckl  idudan
amz gigi amzgh gikk
anass tidikkal
urd imil ng aylal
nssudu tarikt idaliwn
ard nn nrzm iwrawn
n tayri gr itran
ang tifawin gh tummazin
arsrsnt nsuttuf i tillas
isradd diwnt
israd  zunt
d uzal attant sul ur zrragh
awid afus
ang itbacilt n tlilly
aduku mas ttaki
f unzgum
mas tmttl gar arttum
awid afus
ang tanawt gh il
n tdrfit
nssusd asddi magh
ittlal waylal
amllal
awid afus
ang ils n tnggift
nsk taghrit  i uzerf
ighd iga amnay i wayyis
n twargiwin
awid afus
anzu d tbdit nklu
tullafin n tghufi
s izrirign n tayri
nmmuddu gh tizi
nssutld iwmadal
nasi amud n ufra
art nzuzzur
nssukf azur n tmuttal
amz iyyi afus
ad iyyi ur trzmt ula rzmghak
ard taki tmkrra
s wakal
tslilagh irkan n ussrgm

  1. azul ultma tamdyazt taxatart
    ayouz nm bahra f tmdyazt ad igan aylal gh twllafin tawiyagh gh yan umuddu irggign gh ignwan n tamunt angru itran ns …
    tssusmiyyi bahra
    asggwas nm ighudan, ad tid ig rbbi d talilt i inkrafn n tmazight d win tufgant akw
    tanmirt

  2. Ayyuz nm a ultma xadija,
    ifulki bahra mayad,
    nkki b3da hayyi nn dim…
    ixssa ad ng afus gh ufus afad ilin izrfan n ufgan Amazigh, afad ad ili atig tili tmazight ula d nttat atig ns lli tstahlla..
    dfr abrid nm…
    ayyuuz nm tiklit yaDn.
    Ayyuz Ayyuz.

  3. azul. orad gh akendaw igh nih tamdyazt ad tsousmi bahra … atg tarzift ikolo inkraf nh gh obni9 lmkhzen. ……..tudert itmazight tudert inkraf

  4. azul aytma tawmrt n tguriwin nun thbbl iyyi tg iyyi addur bahra mqqurn addur ad ar iyyi yakka yat twisi afadd ad n gghr tuggas ddrfgh abrid snubcgh ad aragh maytggan gh uswir n tannayyin nun tanmirt nun attas ayyuz nun awd knni hayyagh afus gh ufus ad tayl tmazight gh ignwan n tlilly tluh s izuran gh wakal n umzruy

  5. Azul Khadija Arouhal

    Tifawin d tayri d ukttay gh tassasin lligh drn aytmatngh add idin urar ad issallan macc wad issmghurn d wad ifkan atig iw arraw n uma!
    Arraw n umadan ifrkn i tilawt s tiddt ifk tudrt ns f ad ilin izrfan n ufgan amazigh
    Ayyuz nm
    Ar timilit

    Awid afus asd urrigh ad dagh gis sugh gmigh gis ur rmigh
    Awid afus asd iwigh anaruz d irifi n imghri n ntmadyazt
    Awid afus asd uckigh ad gis jmkgh imikk n isafarn n iman inu
    Awid afus ultma gwma lli llanin gh iskraf ar awn ssirimgh ad taylm ghmklli tuyl Xadija gh tmdyazt ad ns iziln lligh didun tssar attan tg afus f ul ns ur tgi afus f imi ns,tall awal ar ignna ad as issfld yant iran d yant ur irin;urin n ul ns as tara tstara ignwan n tililli
    Tanmmirt
    Ayyuz
    A timlilit

    Gwmam zalhoud

  6. ayyuuuuuuuuz nm awltmanu khadija,
    han mayad ghrigh gh twellaftadnm f izrfan ufgan amazigh lli kullu nsiggil
    iga tawarguit n’willi zrinin
    iga taghuyit ngh
    ighussin ilgzzam f adagh sfissn
    nkni nussi tayri n tudrt
    nkni nussit gh tirra igan afalki d tamimt u wawal amazigh
    illa fllagh adagh sllan
    illa fllasn adagh sllan
    tarwa uwargan d uknari anga
    nttan aghd nswa masagh urittagh irifi
    igat rbbi ghwakal ghiggut uzru
    thbblasd tafukt tggammit
    gh tizi gh immut wakal,
    ighamad wargan d uknari
    ………………………………….
    …………………………………………??!!!!

    tanmirt i tmdyaztngh d oultmatngh khadija Arouhal
    issusmiyi bahra mayad,wakha gigh amggaru tighran

    ⵎⵓⵀⵉⴱ ⴻⵏⴷⵓⵖⵏⴰⵊ

Fel agh tannayt

Your email address will not be published. Required fields are marked *