Tadhuri n Tguri, tarzzift i y-inkraf Imazighen

Tadhuri n tguri
Ign urttum, tdhr d tguri
Iffr unlli anghwmis n tdhuri,
Taddum ghifi  yat tguri
Ar nttlli s uskkil n tlili,
Ar nttlli
Ar nttlli
Ar nttlli
Manza askkil n tlili
Nssagh umiyn…
Nssagh tirra
Nwwarg asttha…
Tagrawla
Nwwarg afa…
Tagwlla
Ar nttazzal
Ar nttazzal
Ar nttazzal
Nkwlu addal n tizi
S uzrf n udhghar
Nghmu tillas
Nsfugl asdlfu
Nzul s warra n wafa
Ar nzzizin
Ar nrqqa
Ar nzzizin
Ar nrqqa
Nasi y-isufa
Afa s wafa
Nrzzf I w-akal timmuzgha
Ffrgn ignna tissumga
Mmrzn iskkiln
Yut uzwu tifiras n tniri
Mmrgn iznzarn
ilah i yidh taghufi n ughuri
Ar njrubbuj
Ar njrubbuj
Ar njrubbuj
Nmdhl akwttay n Twada
Grsn imhasn
Ar nttara timnirin
Nrzzf INKRAF
Nrzzf INKRAF
Nrzzf INKRAF
Nrzzf imssan n TLILI
Nara timnirin
ng timktit n Yuba
Nara timnirin
Ng asfru n Tihyya
Nara timnirin
Ng asafu n Yughurta
Ar nttara
Ar nttara
Ar nttara
nsmurg azkka
S ugatu n wassa
Nzlm tawda
Nslmch tikssad
Nzdm taghlaghalt
Nrg tillas
Ar nsfyyuch takatin
Nzmu tirgin
Ar ntturar tirghi
Ar ntturar
Ar nsguggu
Ar ntturar
Ar nsguggu
Ig waggu inigi
Ig ighd inbgi.
Asfru n Ouboubker Abderrahmane (Amazigh Fdoux)
Amzruy n tirra:14_05_2007
Ass n Unkraf amazigh.
TATA,TANZRUFT
TAMAZIGHT.

Fel agh tannayt

Your email address will not be published. Required fields are marked *