Aseqsi izwarn

Yuza lâz tiremt
igas fad amawas
takat tjder ikhf nes
adû izluzza ighd n tdallit f imadan
azzan sul awkan ittctutul gh tallaght
amezwag ittun adâr nes gh umuddu
taghessa tlûhd aseqsi
maxx..
maxx..
maxx lligh lligh?

aseqsi wiss sin

akwttay îzli s tayri
imadaghn n twargiwin
taddângiwin n tkwssâd
irâman n tillas kkand agharas
idgam tamettant ad igan ttmi i wass nes
ass ad ilul macc illas
asekka tukrist agh sul imun
tayri tga tabukâtt
bab nes iga anafal
anelli ar ittelli s ufrak gh ugens n tghessa
manzak a yafgan??

aseqsi wiss krâd

afra izug gh imadan
idammen gan asif
timedwin n imettâwn
alili ijujjg
tafêrzîzt tlûh s izûrân
afgan ar ikkerz taghart s gwmas
anaruz inegha agayyu nes
tefdaddi takat…
izîdêr làh as antel
afgan issunfa gh ddu usawen
ar iswingim
afra iga tawargit
tawargit tega aseqsi mqqurên???

aseqsi wiss kkûz

atbir ittyagas
tabratt ittyaran s idammen n wul ur telkim
allen nekdênt gh imettâwen
tasa terfufen
ul yaddum
tamarayt
tella iyyin gh igherm n twargiwin
ur nssurf i tittît
ur nssurf imad as igan amawas
tiremt ad d ismun idûdân
igid sisn lâz tagat aylligh negaran
aggwa nem îzdây a tudert
ight usigh ahêlgh
igh t nesers ar as nettahàl
aghwilas igmer ukan azemz…
gigh n cala d ussan
gin nen didi wadân wayyâd
ur lkimgh man
atbir lli igan arqqas
yafûd
igherm iga tallast n walsiwen
maxx a tudert
maxx a tudert
maxx a tudert lligh iyyi tesswit gh tagra irêzâgen????

Mohamed OUDMINE ziri
Timulay 07 / 2004

imadan: les nations
taghessa: ddat
akwttay: souvenir
tamettant: lmut
afra: la paix
anaruz: aserm, espoir
izîdêr: ssêber
antel: la cache
tamarayt: talli ittiri yan
tallast: aylli mi ttalsen midden, les contes

  1. azul mass ziri ayuz nk f tmdyazt ad ikturn s isyafatn ntgudi dwattan talalit nunaruz tlla yak ghufus ligh tazdart ad tsngit taguri tfktagh amdyaz mqqurn tanmirt nk attas

  2. gmatngh ziri ayyuz nk f tmdyazt ad lli igan yan ill n isyafatn ur ittafn iwtta lli akkanin yat tisit f usmrrt lligh illa ufgan acku nzdar ad nini is didk ndra gh gigan d tmqqa acku amssutl n tmazirt ngh iga yan sllawan ak i w alli ifrkn mayan af attinigh itfu mlad iska ur nfrk acku walli igan aqbban nghd imzwi ur isfaw amya ur ad yili gh usmrt d ur ad ig amdyaz ula rad isffugh asnflul acku ur isyafa usmrt lli itggan asrag n isyafatn lli ittarun tamdyazt tfkagh imdyazn zund gmatngh ziri ula ultmatngh aruhal khadija tanmirt imdyazn ngh imqran ayyuz nnun.

Fel agh tannayt

Your email address will not be published. Required fields are marked *