Mad igan ad nttara s tmazight g uzmz ad ?

Mohamed Akunad

B- Man tirra?

A- tirra xf tmazight:
gant tnt tirra s tutlayin yadn lli sawalnin xf tmazight, anaw ad iga aqbur , izbdu nit sul g uzmz ad.
Zg zik uran middn xf tmazight s tutlayin yadn, nzmr ad nini:ggutn gisn ijuritn n tmazight,
– Wid uran fllas zg zik zdin dis mad akw igan gar, idrus man akud nn nttafa g wanaw ad n tirra mas gan imazighn aghrf ibiddn xf ixf ns ig anggu n wiyad, ula is tga tmazight tutlayt, tga dar ijuritn ad ghas tantala, g kra n tkkal, tga darsn tantala ibjrn n taarabt, ijuritn n tmazight g zik ur bdda gin imzza xf tmazight, tugtt nsn gan nit imazighn, mac llig umzn g tutlayin yadn, ilin sisnt addur, ssmziyn tutlayt nsn, ar ttmaghn igh ufan ad akw dis ur zdin s kra n mamk.
ar skarn addagn n tkrkas lli tnt d isqqurrin ad nn zdin ixfawn nsn d ayt iming, ngh landalus ngh l’Iraq, ngh mad t irwasn, ur ar ttrwaln ghas i tmazight lli ighzann is tga matsn.
Adriz ihrcn n wanaw ad n tirra, ikka tt inn nttan hlli ad inbdn tarwa n tmazgha, nttan ad ukan sul inbdn ikrf aswingm n tugtt n willi d tilli ganin afna n tmazight ass ad.ggummin willi d tilli llanin ddu udriz ad ad sar zrn g tmazight kra ur igin tirzi.
– Anaw wiss sin g tirra xf tmazight iga t aylli uran ngh ar ttaran imghnasn d tmghnasin imazighn ar ssutugn tamazight, mmaghn fllas ad tamz taghamt ns. tilalt(le role) n wanaw ad wiss sin iga tt g yat tsga: ad issanf gar adriz lli flnt tirra n ijuritn(adversaires) n tmazight n zik, issagg d artutm(faiblesse) lli xf tbiddadnt tirra n ijuritn n uzmz ad.
imik ad lli tlkm tmazight ass ad tlkmt s wanaw ad n tirra timghnasin.
Tirra n tmghnasin d imghnasn ssuggant d tugtt n tghawsiwin lli izdin d umzruy n tmazight d imazighn, srsnt asqqsi xf tugtt n iwnnan lli yadlli izdin d imazighn, zund mad gan? D mani d kkan? Is nit iga umzruy lli fllasn ittyarn win tidt?
d is nit tga tmazight tutlayt zund tiyad nghd tga ghas tantala lli ur ilkmn mani?
s uzgzl, anaw ad iggran n tirra xf tmazight ad immaghn ad sghusnt udm,ur d ghas n tutlayt tamazight, mac n tmagit tamazight akw.
Rad bdda ighama wanaw ad tsghawsa sis tmazight.
Mac is yuda? Uhuy, aya nn ad xf rad nsawl g usntl ad lli d byusan.

  1. azul a dda Akunad’
    d ayyuz nek bahra f tugas nek llin tgit f tmazight d tirra nes,
    righ ad innigh masd is d iqan imazighen ad tarran s ils nessen igh ran ad idder.
    gh umgrad’ ad nek ar immal mnaw tt tilawin gh iga: uddur, trzi, siàr, anuh’yu d temmara. igh ur nzri tizmar n kra igat yan gitngh gh iga gh ugud, usayrur,d udrim

Fel agh tannayt

Your email address will not be published. Required fields are marked *