Tarwla

Khadija Arouhal

Hbu iyyi a y-ajddig s ufraw nk
ssinf iyyi i w-smmid
is rad ssyafagh i trghi
sslgm iyyi timqqit n nnda
ssinf iyyi i fad
aman n marur ur sar iyyi kkisn
irifi
ssntl iyyi a y-ajddig i tkrkas
hann zdghnt g iti tkssad
ssummr iyyi hati rmigh
tadsa n tkrkad
ssisfiw iyyi a tafukt agharas
irmi iyyi izri tagwmrt
n itran
rmigh tillas
asi iyyi ayajda3 n unamir
irmi iyyi udar
abrid ur ili ttmi
ibri iyyi udar
azru ur sar g igi ihnni
asi iyyi ssayl iyyi
isrann afigh tanirt tqql s iti
is rann afigh afra gh itran
d ubrid gh ur llin ifrgan
is rann afigh tadrfit d izrfan
righ-k akk ttugh a y-akal
ttugh isk gigh a y-afgan
mac hann d hann ad iyyi-d sar ur issaki
mqqar iyyi yagh ingh iyyi umarg nm
a ymmi

  1. zgh uglmim Tawunkt n marrouk aram ttinigh ayyuz nm a khadija f umarg nm lli immaln masd Tutlayt Tamazight tga yat gh Tutlayn n umadal lli ra ddar yili yan imal bahra yattuyn Tutlayt Tamazight Tga yan ill ur ittafn iwtta zund Amarg n khadija lligh llant Tiwlafin Mmimnin fulkinin Adagh immaln zund mayan Aflla ituwri nm imal iwatsn aflla ight inna uzmz Tanmmirt

  2. tanmirt nun attas f tannayyin nnun iziln abrid ighzzif nssutr ang afus ghofus afad aybughlo imal ngh awsat iyyi awsghawn ansfalki taskla saynna mmo nufa tanmirt

  3. ayuz i oultmatenegh khadija arouhal f tamdyazt ad nss li yi bahra issoussemn aren trouz atg gh imdyazen im9rane .ayuznm

  4. Ayyuz nm a ultma Khadija f wafulki yad n umarg d tguriwin ad dranin lli gis yugeln tiwlafin zîlnin, d lli gis ittalsn s yat tgharast ifulkin izlîn isyafatn n ul nm. Ar am ssirimh abrid ighudan h tirra.
    Ultmam Fatima Nejjari Tanirt.

Fel agh tannayt

Your email address will not be published. Required fields are marked *