Talalit n tmsmunt n tirra (tazlgha n imaratn s tmazight)

Ass n 10 gh wayyur n yulyuz ad izrin, tmun yat tufut n id bab n tirra s tmazight s mad ittggan yan mnnawt tmrawin n imasayn n unzgum n tskla s udmawn nns akkw (tamdyazt, ungal, tallast, afran…) gh tsga n iffus, maggarn gh udghar n « usagraw n isalmadn gh ugadir », iffgh ugraw nnsn s tlalit n yat tmsmunt tamaynut stin as s ism : « Tirra : tazlgha n imaratn s tmazight », ttwaystayn ismawn ad asin azazû n twwuri ns :

Mohamed akunad (amzwar)
Rachid Lhahi (izza fllas)
Abdelwahab Bouchtart (mara amatu)
Khadija Abenrousse (izza fllas)
Lahcen Zahour (anflus n idrimn)
Abdeslam Amakha (izza fllas)
Mohamed Oussous
Hanan Gahamou
Lahcen Nachef

Tsrs tmsmunt gh mnid ns ad tdru gh ubughlu n tirra Tamazight, taws i willi ttaranin, tmmagh ad tsslkm tiwwuriwin nnsn i imghri d ugdud mqqurn, tdêfr s tghri aylli d ittffaghn n idlisn d tzêrigin afad ad tnt issann middn, tsrs tirsal n ufran gh tskla tamazight, tg akccad gh imazighn ad ttaran s ils nnsn s twwuriwin zund tismghurin d isfsrn n idlisn d warratn s tmazight d uskkir n wanudên n usilgh (ateliers de formation) d usufgh n kra n tsghunt ifssrn tirra n i3rrimn, d inmuqqarn isawaln f imukrisn d inzgumn n id bab n tirra d tghawsiwin yadên ingin s trgwa n tskla d tirra lli s ttwarga tmsmunt ad tnt tlkm.

clip_image002

  1. azul,
    ummrgh bahra s tlalit n tmsmunt nna,talli rad yaws g usbughlu n igr n tskla tamazight,tanmmirt f tuggas nnun.
    ar gik tettrgh agwma oussous ad yi tssisfiwt tagharast n tdrawt didun g tmsmunt.
    u mak,daoud garhou

  2. Azul s uskkil n tghnsa

    Ma s ttidir ! mk ad ad iyyi tnaa nanna ( jdda ) art ttinin miden igh ittwaystay w-assagh i Tlalit Tamaynut dar Imazighen !!!
    f tgharast ad, ar ttalsgh, ar ttinigh i w-arraw ad n w-arra d tirra: Ma s ttidir !!! s W-addur a Tazlgha n imaraten imazighen !!!
    n nnurz annurzm n tggura f unughn akkw n tirra s Tmazight, f ad n tthaf Yat tutlayt tamazight tunsibt g Tirra.
    ndra d iwn Anzgum n tirra s Tmazight.ar sul nttini: Afus n tghnsa g ufus n udels.
    Ayyuzzzzzzzzzzzzz!!!

    Amazigh Fdoux: anirazoulid@hotmail.com

  3. azul imdukkal
    s tiddet n wawal ar tkcem tumert ulawen kudnna nzerra tiwargiwin ar tegganet tilawet.
    ayyuz imdukkal imiriten n tirra s tmazight.
    tudert i tmazight.

  4. ilul wayyur had itran ssutln as
    tifawin zud aznzar s wakal ummrh as
    imazighn munadd akkw f tirra n ufus nh
    igh nara ghar iwnditn inu yuf ukan
    ilul wayyur ghyid iffaw ah ugharas
    afus ur ittaran aza adar ayrwas

  5. Ayyuz iyaytmatn imal ighudan i tirra stutlayt tamazight nra gh imazighn d nzuzd gh aytmatn gh tmsmunt n tirra s tmazight atg Asgwas n2960 win yat tkra ggutn s tirra s tmazight ad nttara s tutlayt ngh Asnflul gh kra igat abaraz tasrtit tadamsa amarg d kra igat anaw n tskla acku igh nskr mayan ira adfk tugga iymggaln n tghrma tamazight masd taghrma ula tamagit n umadan amazigh ur sar tkcm Asmdl mayad iga yan unghmis lli nra atti tissan twunkt d tanabbat n imuriskin lli jju urrinin ad issan is ur kkam man iyzrfan n imazighn acku amzruy ar isawal ira ad yack yan wass lli rad issag izrfan n ufgan amazigh Acku Tafukt ur sar tzdarm asttin tssntl m s tallunt tiklit yadn tarnnawt itmsmunt n tirra imal ifulkin …

Fel agh tannayt

Your email address will not be published. Required fields are marked *