Mad igan ad ttarat s tmazight g uzmz ad ?

Mohamed Akunad

Man azmz, Man tirra ?

Man azmz ?

Nik issihl iy uzmz n tmazgha, issihl iy uggar uzmz n wamurakc(Maroc) acku sfawgh t uggar n tmura yadn lli ganin tinw, mac ssngh fllasnt mad idrusn.
rad tnnit: mac tamazgha tga tamurt, ngh timura,(pays) ur tgi azmz, ngh asru(temps)?
Ad ak inigh: ku tamurt tla azmz ns, max llant tmura n tmazgha ass ad g uzmz n Amrika mqqar tnt ak tsmun tasut tiss simrawt d yat?
Ilmma man anaw n uzmz ad illan ass ad g tmazgha?
Ad inigh: ass ad illa uzmz n tnghi n tmazight dar tnbadin lli igan imazighn g ufus n uzzal, ar asn tbbi izuran ar sisn, d ar gisn tdssa!.
yili uzmz n yat tmdrust g tarwa n imazighn ur rin nttni ad ngirin d twargit s yan imal issghn i tmazight,(avenir radieux) aywan ar ttaran, ar skarn asnflul ur ssnn mani sis ran, mac aywan ar skarn, ur ar ttrkkikn, illa uzmz n igdudn n imazighn lli xf ttmmagh tnbadt ad asn tsghr tamagit skud(tant que) urta d nkrn.

Ilmma tirra s tmazight g uzmz ad, gant taghnsa,taghnsa isqqaqn, acku da akkant yat tagga(yat n tugga) is tlla tmazight tddr, uggar n mk ann, tlla g uswir n tutlayin yadn lli ddrnin ass ad, igh as ittuwfka mqqar d imik g wayda lli igan wins, ur d ghas is rad tbughlu, mac rad tfsi igiman(milliers) d igiman n imukrisn lli g ar tthctarnt tmura ngh.
mac g dar willi mmi nga ixfawn ngh g ifassn nsn, ur sul nssn mamk s rad tn d nkkis, wid nttni yuf darsn ad nn aghnt tmura n imazighn arwass, ula bddnt s tmazight, nttni ggummin ad zrn tamagit tamzight tga tinsn, tzdi asn d trzi, tga innatsn lli nghan xf ad biddn s wayda nsn ilin, ad tbdd tmazight, iga darsn ad tqrbl ddunit nsn, ad d aggint tkrkas lli ikrfn middn tasutin d tasutin.ad tbidd tmazight iga t ad ssn middn tidt talli tt igan ad d bagn irgazn d tmgharin lli ganin inmghurn s tidtd;;;. inna yan gisn llig urta d kcmn irumiyn s tmurt ad: yuf ad agh amzn irumiyn, ula umzn agh “lbarabr”tirra s tmazight ar kkatnt xf ad snflnt udm i tmazirt ad ur d s idammn d irwwayn, mac s tghrma d tigawin ghudanin.
Tirra s tmazight gant anazar, gant anaruz, ar ttinint: ha imazuighn llan, rad ilin.alid rad ilin.

Man tirra?

Wad ad igan asqqsi lli xf rad nsawl g umagrad ad d iddan…

Akunad_Aziz

Tulaft: Dda Muh Akunad, Tasemghurt n Tmaynut, ifka ya tt, Ouaazi Mustapfa (Amaynu)

  1. Ayyuz igmatngh Amara Amqran lli ifkan yat tyafut yattuyn i tutlayt tamazight immagh bdda ad iml iyan urta sul issan mad igan awttas ad n ttara s tutlayt ngh tamazight lli ur ichan f tutlayin n umadal igh ur ninna mas tuti kra gh tutlayin d nttat as mqqar inna tal ixf mas tga ill ur ittafn iwtta yili gh ixfawn n imghnasn masd tinbatin n w Aarabn lli llanin gh izlmd n ifriqia maghnt kra igat tusdat d kra igat tasqqult d kra igat ass d kra igat Ayyur d kra igat Asgwas ad snghubunt tutlayt tamazight mac ur lkmn Awttas ixassa ansn ma3na ur lkmn mayan Acku Taghrma n Imazighn Tattuy bahra fllasn ur sar lkmn mad ran mac ixassa Imazighn ad biksn uggar n mad izrin Acku Imggaln n Tmagit ula Taghrma sul ukan ssuwrin ur jju ran ad bidn mayad ar inttu imghnasn zund gmatngh Akunad fad ad isfrk s w atig n tghnsa s tirra n tutlayt ngh tamazight Ayyuz Tanmirt iwilli usinin Anzgum .

  2. Ayyuz igmatngh Akunad Zidr Agharas m99ar yaggug Tifawt ngat gh Ifasn waxxa ghwilli mu Ts3iyyat Ad nkrn Aggugn Tudrt tallit igan Amda imrks Afrak ar isdu99ur Ajarif waxxa ur Ayrz mac Asdu9r n sar sar rad gis iskr Timitar waxxaAghar imik n Tgharasin Anttara s Tmazight iga amzwaru gh dar Imghnasn willi tn ganin Tanmirt iyaytmatn Imazighn Ayyuz Iymaratn s Tmazight.

Fel agh tannayt

Your email address will not be published. Required fields are marked *