Tazrut ujenna

Jar tudert d lmut
ujenna d tmurt jar
ilul bnadem
Wa ur ittaw gher wa
nebtu x wudmawn
ibtu angh wawal
btunt angh tzilla
btunt angh tisal
Waxxa btun angh ifergan
nessur tixin d ighnan
lhlac idiwan nessur
nessur lbarud d izlan
imnayn trin x icsan
ssersen tafrut
herfen muzun deg umcan
qnen tittaw qnen imejjan
ayn ixsen isaren
gher rhabi timqranin temsazzalen
x tisal n tergazt
cthen tturaren
rxun aqmmum
awal d amhayl
ma d izem ma d azeqqur , ma illa ca da iqqur
ur ghar ngh timelli
ur xaf ngh 3la khir
imc nfek ict
naf sulnt tin yatnin
ur angh tseggad
ma d tit ay xaf ngh ijnin

ma d amuttel ay angh ime3nen
ay angh inghin
tazut ujenna
ay xafngh ijnin
tazrut ujenna
ay angh izrin di tsirt
ay angh iztin
tazrut ujenna
ay dag ngh irzin tasennant
ay angh idjjin
x rhebt d tasemmat
hat

yuruw dag ngh usmat
nwsser
ur nezmir a necni abeddi
ur nezmir a nnini
awal arebbi
tehbac angh
a ntcni ma nesghuy
d adjjaj
tazrut ujenna
ad t nerr d ighd
d a3djjaj
d anzar ma nmun
a nessu tamurt s ulellu
asennan ma ighmi
ad t ized
am tgerninit d ugheddu
asennen ma ighmiy
ad t ized
am tgernint d ugheddu


  1. ayuz necc uma tengh tamazirt xf tamdyazt ncc nsetr gic ad tazent cigan n timdyazin ncc d tin imdyazen imdukal ncc afad ad yili unyalkam negr imazighen ak tanmmirt ncc .
    tudert itmazight .

Fel agh tannayt

Your email address will not be published. Required fields are marked *