Azarug

Tarezzift i ultma Tanirt

Askerf idus mladd is ufigh afessay
Ur akkw idrus w akud ad nder gh tisiwagh
Iziker d uzzal tassat d ida n ugellay
Ur rad ten bdergh anaw inw ur ar akkw ittagh

Iffugh unneli timudan iferk ar immal
Timitar iw ul igan agacur ikerf
Izzelf irfufen gh tassast hat is akkw ikenf
Iderf unneli tiddet ad ran ul ur att iffal

Ahh inu gigh amagus tayyiti n ussan
Urin ur rin ad lkemgh tumert ar allagh
Urrighd is nega amasus gh tudert nw allagh
D ubexxu isbitticen izzucel ihruren fessan

Mami nnigh ahh ur nzelm ma felli yallan
Is ur yuf ifessi ugigh ma felli yallan
Azarug abrid neduft awettas lkemgh
Aman igh ten bbigh ibbi w ul inw is rkemgh

  1. tarzift ibuterzaf

    kiyi d unzar n tagut ka-yeswan akal
    kiyi tizwit zadd tament n usafar kiyi targant kyi danet n wadag imimn
    max amtta manza agasn s-atsmumuyt
    yak awtas tlkmt matrit tamadunt

Fel agh tannayt

Your email address will not be published. Required fields are marked *