HAN IMDYAZN AR-TN TEDFURN WAKUCN

URTA G-IGH AMDYAZ
AR THYALGH AD GEGH GHALB
AR TTARMEGH MA-D SGWDELN IGNWAN
AD KA ISSANGH MA RAD GISN NAGWI
TAF AD BAHRA NIRI IGNWAN
YUF-YI GHALB S YAT TKERKST:
SKAR-AT MAD TTINIGH
IGHGHU WAKUC MAD SKARGH
GHERIGH I WAKUCN
WINN IDDERN
D WAD G-ISN YAFUGHN:
YAN IXEF ISSUSM-T
AD-AWN TGHALLAGH
WAYAD UR-AKW YUGI
MAC S TMDYAZIN IGH TRAM
SUL TEDRUM-TNT AM TGAM YAN.

KRA IGAN ASAYS
AR TTIRIM TAGHALLIT INW UGGAR
WAXA YAT, TULL-KWN KIGAN
TSMUN-KWN D IZMAZ
TUMMERM D UFGAN
TEKNUM I ITRAN
TAMGHM AKAL
YILI UFRA
TIRIM-YI ILMMA
D AMAZAN ICATERN
NNIGH-AWN IYIH CATERGH
MAC UR IRXA AD TTIGHWZINGH
I MIDDEN MI TSSUGWTM IGWDALN
URA IFLUKI AD IG YAN AMAZAN N TSUMGA

AD ISEGHAN
LKEMN IZMAZ
AD-AWN NESSAFGH
YAT TMAZANT YUREMN
TAMAZANT IKKAN IGWDALN
YAT TBRAT AD TSSELKAM NETTAT
“TEMMIM TUDERT G IGWDALN N WAKUCN”

Hassan LAAGUIR
GRANADA – Spanya

  1. azul hassan.

    gwmi man ufix

    taddut ilemn s uzzllmadd id-nes uratnemilin
    ula-tilemi afgig ura-ten tirin
    isaka smuden iyidduddan timariwin
    aztta nes urad ig usu ula timelesit
    man taghawesa lid is-gwdel wakuc mlit
    tana yughden d-mnid nes as-tin lekmx
    tan ifreghn najit iwanat iran

    igider
    anfa

  2. Azul Igider,
    Tanmirt f tighri n tmdyazt iw d urur nk s wawal n imdyazn. Max ad ur tsekcem tamdyazt nk, teg tiwisi nk g wansa yad, ad ka ur tghama gh tagara n tmdyazt inw, fad ast ghrin midden uggar.
    Ar tayad.
    Hassan LAAGUIR

Fel agh tannayt

Your email address will not be published. Required fields are marked *