Taddart d tsukt

ddart d tasukt

Agzzum wis sin: Tasukt

Zr awa zr yat tarbat idusn tghzzif tmurrant, tls yan ddjin ikrrûzn sul yizwirn tt uffan ns s dat, mrad is tn ur tumz s taggwst nnsn ikun rwln as, acku ku mad ikkan amnid ns g ubrid irzm gisn imi ar gisn ismuqqul, tbdd tarbat g umnid n yat lvitrina lig a nzzan ijwayn n tirbatin .
Sbddgh tamubil inu g tama n tritwar smuqqlgh gis zrgh nn azrg ns mnck ad ila,murran rzêmgh gis imi, dêrnt as tsura ns s wakal tknu ad tnt tasi, smaqqlgh dagh gis zrgh agrdid ns azggagh, tsutl tsmaql gigi s tît tazlmadt akud ann ad ssngh is iyi tumz tsgwmrt, sittigh nn tamubil inu s imik, bddgh ar tt inn zrragh g tisit tdêfr iyi s walln ns ggwzgh-d rzmgh as taggurt tafasit n ttamubil, dugh s ssaka afad ad gis awigh aggu mad kmmigh, swingmgh d ixf inu nigh matta tarbat ad izdarn ad isudu g zun ttamubil ad lli akkw itcan s tanikt, trzm I waggu idêlan igh-t ur tthhit ura d ttidu g ubrid, iwigh-d lgarru urrigh-d s tamubil inu afgh-tt tqqim ukan trzm I wazzar ns azggwagh iggi n lkusan ,
Ssudugh g tama ns inigh as : “azul a tasa”
tsmaqql gigi yan imik tini iyi: “ azul” ; ssrghegh tamubil mungh d yan ubrid ighzzifn, nddu s yan udghar gis tugt n taddagin attuynin nckcm sis tamubil, srgh yan lgarru fkgh as wis sin sawulgh inigh as: “sfld iyi a mad tgit s ism…”
tnna yi: “ ur dark mad tskart s ism inu yuf ak ad t ur tisant …”
nnigh as : “ sfld iyi a ultma yah, ultma ad tgit acku yan urgaz lli igan s ism ‘adam’ tg tamghart ns ‘hawwa’ ad agh akkw yurun …nga yakkw ayt matn, awa ghilad illa fllam ad trzêmt imzgan nm a ultma d sfldt iyi , is thmlt tirmt n imrsan nghd uhu
tnna iyi : “ tanmirt nk, nk mmnsigh urta didk maggargh …”
“ ur d mkan ad righ ad am t inigh, is km sqsagh mamnk ad sim tga tirmt n imrsan, is a km tsusum ngh-d uhu?”
Tsmuqql gigi tnna iyi nkk igh syafagh s wadan inu ar sghuyyun s laz aynna ka ufigh rad t ccgh …”
“Irwas is tghwzân tmghart inu, ah talli mi rzêmgh lligh iyi tnna ‘nkki ka d ur tssusm tirmt n imrsan’…yah, ttugh is am ur nnigh is rzêmgh I tmghart inu acku, tssigut flla gar tiram slawan akkw imrsan, d iswingim ns aggugn f winu macc, iqqan-d ad dids bdûgh kigan ayad, mqqar d tiwi tawja ns d tinu ar fllasn tsmummuy afad ad agh-d cackn sul ssutrn gigi ad cttagh imrsan ns, nnan iyi : “mad igan zund kiyyin lligh tufit tirmt ad lli dar illa watig iggutn i tdusi, macc nkk ur sar rad urrigh g wawal inu…”
Iiih! Trgha takat g umadâl kra illûz , kra iddr ur sul tlli tffugna a ultma nkkwni ura nskar kra abla imtci d tmmara, d uqqan….zund nddr g ljnt …mad za igan kmmi tannayt nm g tghwasiwin ad?”
Tsmaqql gigi tini iyi: “irwas is gik tlla tayri n tmghart nk yumz-k wattân ns is ghwzângh ay argaz ?”
“ ur sul ssngh, macc mrad is dar-s zund tiddi nm rad ukan sul gigi tili tayri ns”
Tumêz iyi afus inu tsrs-t iggi n ugalîd ns syafagh s izûran inu zund igh gisn trisinti sbbunzgh gis ar tdssâ, isusm-tt …tnna iyi : “is dar-k taddart ad sis nddu ?”
Nnigh as: “ uhu, ur dari tlla”
Tnna iyi : “ nkki tlla dari macc taggug” , “ illa fllam ad yi tinit atig nmcack d flass, nkki mkad ad gigh righ akkw tighawsiwin ad fawnt … dari yan wawal ur a gis turrigh mnck ad igan atig lli s rad am frugh a tasa?”
“ kiyin d udm nk, asggwas lli izrin ingi-d udrim aytma a3rabn kkan igllinn afus, ar kkatn tammara n ubrid afad ad sunfun ngr igalidên d uffan ngh …fln-d tugt n udrim, nttnin ar frrun s idularn yah, idularn … d ayt tmazirt imznza imssaghn awd nttnin nkka-tt nn ar didsn nzzray ussan fulkinin macc, zg lligh darsn trmi tdamsa d lligh igguz watig n lpitrol ur sul iswi yat awd ntta ad akkw lah anaw ad n irgazn ur ar tn sul nzêrra …iihhh a tudrt zrin ussan fulkinin ilad tut sigh tudrt tfkagh I tkrrayt tanna akkw iffughn a d tgwmr ar tt ttamzn smmus awin -tt s kra n udghar qqun-tt gis sul akwrn as aylli dar-s ssakwin-tt zund arras…iihhh zrin ussan fulkinin g tghrmt ad taghwznt imma ghilad azgn n irgazen lli gis illan lsan ak iqcban n lppakistan rzêmn i imariwn, azgn yadênin yutn zzêld ar inzar ggammin mad cttan, ar tllin gh iswak ar smudquln g mad iddan d mad-d yuckan …
“ Max mani g tlla tzdught nm?”
“Tella nn g wammas n turtit n wakal, ihh! sg llig tt inn kkigh zdghgh g taddart tamzwarut ur akkw usigh anzgum I udrim ar t ka zuzzurgh macc, mattigh d s udghar ad lli g llan tugt n izan ..”
Righ ad ssutlgh I yat tsukt macc, tnna iyi : ‘amêz abrid afad ad nttlulluy ar d gnnt walln n middn n turtit n wakal acku tugt n imzdaghn nnigh asn mas gigh tadgalt nnigh asn dagh iz-d argaz inu ikka-tt inn iga asrdas (soldat) immut g imnghi …ar swwurgh g lutîl afad ad ddrgh nkki d illi …
sbdd ukan tamubil nk ddu taddagt ad afad ad nzêrra udmawn ad knsrnin lli ittidun g ubrid…nrmi igiwr n tamubil niri ad nttidu ibdd fllagh yan urgaz inna iyi: “mad tskart g udghar ad ? is tssnt is igwdl ? ah! Frkgh ak tiwit-d d idk tamggant ad? Ldi-d takardâ nk tanamurt as tt zêrgh ?
nnigh as mad iskar lkumisir nk manzatin? yak ‘3arfa’ ad t igan ? isqurri d gigi ubulis alln ns yini iyi: “ nkk ur ssngh ‘3arfa’ ula kra yadên nkki ar skargh tawuri inu fki iyi takardâ nk tadjit tatênnazît dark usigh yan smmus idularn ggh tn inn g ufus ns inigh as: “amêz takardâ inu tufit agh d rad nit namêz abrid, iwa azul fellak”, inna iyi: “abrid n ufra…” nmun s wammas n tghrmt nbdd g yan ubrid lli g ktarn middn ..nnigh as : “is tssnt a tasa acnyal ad lli tsutlt i idmarn nm fulkinin win man tamurt ad ig? Tsawl tini yi: “ izd- is tnnit d ixf nk is-d is ur kkigh tinml …yah ssngh acnyal ad iz-d win marikan ad iga” macc, illa fllam ad sul ur tlssat zun tighawsiwin ad ma rad tinin middn …tssnt ukan iz-d nttnin ad inghan argaz nm …tskrt ukan gis zund ighrruba n tmura n wa3rabn lli ttiksûdên g yill ar talln awd nttnin icnyaln n marikan afad ad ilin ddu tidâf nnsn …nkk ghilad rad fllam ssudugh zund igh tgit aghrrabu bbigh acnyal lli illan iggi n idmarn nm. dêrgh nn fllas skrgh as yan ubbuniz ngr igalidên ns….trzêm I yat tadsâ ha, ha, ha,…
-tnna iyi : “han middn ar gitngh smuqquln …”,
-nnigh as nkki: “ is tcca middn… is tzêrit bu tamart ann lli yusin ankul ann?”,
-tnna iyi: “yah zêrigh-t”, fkgh as kra n idrimn drusnin
-inigh as : “ddu dar-s tfkt as tamawast acku ar ismun adrim dar middn afad ad tn yazn i ayt ufganistan …” macc is-tt ka izêra uxwanji ann yizgwigh udem ns tbdd g tama ns tnna yas: “righ ad awsgh s yan imik I tmagrawt nnun ..” macc nkki imik ad iyi ur tssxsi tadsâ, issakwi-d gis uxwanji alln ns isaqqur fllas
-inna yas: “a3udu billah imina ccaytân irrajim …sitti nn tamawast nm ddu mun d ubrid nm…” taghul-d s dari s tamubil taf iyi-d imik ad iyi tssxsi tadsâ, nttat tgllint iga udm ns zund azzar ns izggwagh tgud tsawl si
-tnna iyi: “ kiyyin ur tgit mad-d ittmun ufgan, ur tgit argaz tuznt iyi s dar mad ittgan ttmi I tudrt inu..azul fellak zund anaw nk ur iga ma d ittmun yan …” tggwz tut s waggur n tumubil …tbbi abrid s umnid yadênin dêfrgh-tt s walln inu ar as zêrragh axwna ns aylligh-tt lâh …
Yan imik ar kddûgh i kra n wadû izzumman ikcm iyi s tnzar, ggwzgh-d sghagh kra n waman jjanin gagh tn g yan ujrwîd ar t kddûgh, ddugh s dar bu wamar lli dar ankul n tmawast n ufganistan ar ukan sul ittbrrah ar ittini : “ay imuslemn awsat I ayt matun afad ad sghn aqqryan …” , sawlgh sis inigh as: “ azul fllak a gwma”; irar iyi-d: “azul”; inigh as dagh: “nkk a gwma hann ur ad awsgh I yan “ ismuqql gigi s gar izêri, inxxl iyi ar itbrrah, inigh as dagh: “hann nkk ur rad ak awsgh sqqsa iyi max?”, ssutln agh middn macc, nttan iskr zund igh ur iyi islla …sawlgh inigh as: “aylli tra tmzgid trat ukan taddart igh rad naws I ayt ufganistan rad nit naws I tagwmat d wadjar …is tssnt is darngh ggutn id war imnsi d imudân ….max ad asn ur naws nttni ? macc, nkk frkgh ak is a tn ur tsslkamt abla s taddart nk, ar sisn tssaght tighawsiwin zund imtci ….is ghwzângh ngh-d uhu? Irwas is rad tsght kra n wurti afad ad gis tkrzt imrsan …acku susmnk …macc, adû lli ijjân illa nit sul g inzar inu, ggh nn ajrwîd lli g llan waman jjanin ar ttidugh macc, bu wamar idêfr iyi ar isaqqur ar yi itini: “a gar afgan a yanafal … akk inn yasi bab n ignwan…”, ssudugh tamubil inu mungh d ubrid, ddugh s udghar lli gh a ttili mm n ddjin ikrrûzn, macc adû lli izzumman illa nit sul, iggammi ad ikks mqqar ffigh aman jjanin, ddugh bddgh ddu taddagt lli gh d si ibdd ubulis, ar gis ttrragh aylligh akkw rurgh aylli ccigh imal ass ngh-d akkw tudrt inu. ixx a tudrt matta mkad tgit!.

  1. Ayyuz nk Agma salh tallast nk tssusmiyyi bahra ar tmmal iwa3dawn n Tskla Tamazight masd nzdar nkni n imazighn ad asn nml masd tutlayt ngh tzdar imad nnan sllawan ak imaratn zund gmatngh lli ifkan gigan d tiwlafin ssusamnin zarnin adagh ajjint ancukku Tallast nggami Adids nbdu ar Taguri lli igran Ayyuz isalh nzuzd gik atcukut abrid ira Tlkmt Awttas tgt ula kiyyin yan gh imaratn imadaln m99urnin

Fel agh tannayt

Your email address will not be published. Required fields are marked *