Home » Amarad » Uraw n umttâ (Abdellah Lmennani)

Uraw n umttâ (Abdellah Lmennani)

Amdyaz axatar lli yuru inzggan mass 3bdllah lmnnani yurri-d dagh s usays, iga-d amnay n tmdyazin lligh d issufgh tawckint ns tis snat, ig as s ism : « uraw n umttâ ».

3bdllah Lmnnani amdyaz ad a3rrim issufgh-d yad tawckint tamzwarut s ism n “sawl s ighd” gh usggwas n 2003, mklli ittili tawuri gh usays n isinaryutn n tmazight yara kigan gh umnid ad zund wwid :

Tinigit 2003.

Tazzit 2005.

Tawsâtt 2006.

Yiws g scénario n “Le squelette” 2006

Yura dagh asinaryu n « tagadirt n tillas » 2007,

d yan yadên igzzuln s ism n « tisnt n umrwas » 2008

Yiws g kigan n inmuggarn n tussna d tmdyazt d lfilm amazigh, yumz mnnawt tsmghurin g usays n tskla tamazight.

Tiguriwin n gwmat ngh lmnnani ar ttbrburnt s iswingimn d wattânn iflufln g tasa ns, ar-d ttffaghnt lsant tadêfi, ttlnt s tamimt, gnt tirikin, ar k ttasint s ignwan n twargiwin, ngh-k zzugznt ar allagh n tgudîwin, ar k inn lddint, ad tghrt, talst tghrt, tkkst tifrkkit i iskkiln afad ad nn tgwmit aylli irgwsn dârat n wawal ittwaynnan, acku gant idisan irban timitar, ar ttarunt ammakn idran i wanna issnn ad-tnt issaru!

Tamdyazt n lmnnani tkcm igr n tmdyazt tatrart (moderne) s tgharast ns s ignnu awal, izdi sis tighawsiwin, ar irwwi i walli imyarn awal n ku ass ar-t inttu ad yals aswingm g tgni n ifalan n tudrt d uzttâ n talla (existence), ar as ittkks afawwu n usunfu, issls as isnnann n iwiz d unzgum, irzêm as alln f tmdwin n umttâ g umadâl, d tstghin g ughrab n ussan, yawit ad imuddu s ifri uzwag, d usmghi n ighuyyan !

Ar nn nttaggwa g twckint ad n lmnnani s kra n tmitar g tussna n imazighn n uzmz ad ula zik, kra n ismawn n tirrugza d tzzidêra, gh gant tghawsiwin d imghan zund addag n wargan d wajjgal, ngh gan irgazn zund sidi hmmu uttâlb d 3li sidqi azayku.

Taguri n umdyaz lli isisn g ignsiwn n tmdyazin ad tga agh nkkwni tammnt, rad tt nmmdî ur d s ils macc ad tt nllgh s ulawn d tiswin, tammnt n umarg d tguri ijujgn !

Tawckint ad n lmannani tamaynut gis yat d mrawt n tmdyazt mqqurn ttyarant akkw s tfinagh d tlatinit gh mad ittggan 58 n tasna

clip_image0023

Comments

  1. hassan dahou (amanar) yeqqar-d:

    azul adlsan
    ayyuz i mas f tawchkint ad n tmdyazin
    tanmirt i mas usus

  2. Wina yeqqar-d:

    azul fellawen,
    ufigh aya n usmel (site) ighudan acku ar yakka azal (valeur) i tsekla tamazight; maca tusa-yi-d yat tuttra: Max ur da ttaram tamazight s tfinagh imkinna ittetter Usinag Ageldan?
    Tanemmirt

  3. igider n anfa yeqqar-d:

    azul mas munatas
    tanmirt xf iwaliwn ad li-yax isisefiwn d imdyatn d iwtasn g tmdyazin n umdyaz lmnnani
    ayuz iyumdyaz mayad ar imal imal n usneflul n umadan amazigh ar iswa tuzunet li ismghin tamataret itinin n-lasul n-dersul

  4. igider n anfa yeqqar-d:

    azul mas munatas
    tanmirt xf iwaliwn ad li-yax isisefiwn d imdyatn d iwtasn g tmdyazin n umdyaz lmnnani
    ayuz iyumdyaz mayad ar imal imal n usneflul n umadan amazigh ar iswa tuzunet li ismghin tamataret itinin n-lasul n-dersul

  5. ait said yeqqar-d:

    azul kullu madi hadrn da .

    ar ttinigh ayyuz i wgma abd ellah mennani khef twuri tamqrant dgh n isfra nna iga.
    ar ttinigh awd i mohmed oussouss ula kullu madigan afuss a dayali site dgh tanmert nun kigan .

    ait said omar
    sud est n lmarooc
    http://www.aitsaid.info .

  6. anrzif yeqqar-d:

    azul nsimghur miden lli bidnin f sit ad
    lli yakkan tugt ninghmisen fumadal amazigh

    tawchkin numdyaz el mannani bhra t nzra

    nzuzd ast naf gh tin idlisn an gis nssag tamdyazt ar tinigh ayuz umdyaz mqurn lmnani

    f twchkint ns numarg tisnat

  7. khadija arouhal yeqqar-d:

    azul gmano righ ad inigh ayuz iwmdyaz mkorn f twchkinin ns zilnin ila guisnt kigan irigh adas inigh mas iyi igha swaddor aylight sngh inighas tanmirt

  8. fatima yeqqar-d:

    tanmirt non f “amaynu ”
    isomsiyi bahra ^_^

Fel Tannayt

Email-inek ur d-itffeɣ ara. Urtiyen yuwren ttwaseknen s *

*
*