Ddrat agh Taskla negh.! (Agzzum 3)

Mohamed Akunad

Taskla ngh, taddart n tmagit ngh.
G umagrad ad izrin, sawlgh xf uzday illan gr tskla d wawal g yat tsga, d tmagit, ngh tamust g yat tsga yadn, nnigh: kra s ixatr wawal tbidd fllas tskla d tghrma, da ittgga afcku ighudan i tmagit, da as ittgga taddart lli tt istann(protéger) tasi fllas.
Is nla nkkni imazighn taskla lli igan tinzgit ad agh tasi tamagit ngh ?
Imazighn lan taskla tamqqrant, d tghrma tamqqrant, mac jlan tnt zg akud lli rurn tutlayt nsn xf usga asin tin wiyagh.
Is nit stin mk ann, ngh is asn iga bzziz gh amzruy nsn n tidt rad irar xf usqqsi ad.
Mac aylli agh issighln ass ad, iga t is llan tarwa n imazighn ggutnin stin i tmagit nsn ad tg tamazight. Rad iy tinim:
Ur d afgan ad istayn tamagit ns, nttat ad tt istayn, nik rad awn inigh:mk ann ighghan, igh ar nsawal xf tmagit tagamant(naturelle) talli xf ar d ittlal bab ns, ngh lal ns, talli as yakkan imiriwn ns, d tmurt lli g d ilul, d tutlayt lli d yufa g unwal n tgmmi lli as igan asalul(lieu de naissance) tghcm iktayn nsn g tudrt.
Mac ggutn imazighn lli snfalnin tamagit nsn tamzwarut igh ddan ar d d frkn, isfiwn tilawt lli g llan.
mac anaw ad ur agh issighl, ssighln agh will nzanin s tmagit nsn, ur d nzan is tt inn tkka tlla, nzan is d imal ns rad yaf aylli izrin. wi d lli g ar kkatn idammn n tmuzgha g ulawn, wi d d ti d lli ttwarganin s yan imal iznghrn i tmazight, wi d d ti d ar ad d islal taskla tamazight ixatrn, lli rad ig taddart n tmagit nsn.
Igh d tlul tg ta d ighiln, ur d is rad hlli tamu tarwa ns, rad tamu mqqar d willi tt yadlli ur irin.
Isul…

Fel agh tannayt

Your email address will not be published. Required fields are marked *