Ddrat agh Taskla negh.! (Agzzum 2)

Mohamed Akunad

Igh urta nddr taskla ngh, illa fllangh ad tt nssn, mac dat n mk ann iqqan ad nfrk s usugr(importance) n tskla mad takka tskla i ughrf(peuple) ngh afgan, nssn ak is d taskla tga tayafut n tutlayt, ur nufi ad nsawl xf tskla igh ur tlli tutlaytu, taskla iga tt udm ann n tutlayt lli illan g yan uswir yattuyn lli igan inzgi(digne) ad ighama i tasutin lli d ddanin, kra n tkkal da ilkkm aswir yattuyn attas ar d ig win tfganit(humanité) ak.

Taskla tga ayda animan(spirituel) n ufgan,tga tigmmi ns, tga tisit(miroire) lli s ar ittannay amadal, ku aghrf ila yat tisit lli g ar d ittannay amadal, ur ar ttannayn middn tighawsiwin s yan usmmaqql, acku ur gin yan, ula yuma tn yan wakud d yan wansa.

Tisit ann da tt iskar ufgan g tirmitin(experiences) ns lli izzri; aylli gisnt immimn d aylli irzagn.

Aghrf ur ilin taskla ns igh urta tt iskr, nghd kksn as tt willi tn nranin, ha nn ur ili tisit ma s ar izrra amadal s tgharast ns, ilmma ur yufi ghas ad iddr dar wiyad ig darsn amzdagh, ilmma ar iskar aynna asn nnan, aynna ran nttni, ur d aynna ira ntta, kra s bahra disn innkcm da nn ittafa tamagit ns ar t tsrfufun, ar as ttgga zund kra n waggas, tigira da ifssi g willi t ganin g ufus tmmt tmagit ns tamzwarut, mac atrs ur ar ittjji illa man akud ittkka tasutin xf tasutin inkr d sul, illa man akud d inkkr gar tankra, taskliwin ak gant taysi n tfganit, iqqan ad ghamant ddrnt gnt taytmatin, mac afgan urta ilkm aswir ann g tsrtit lli rad t yajj ad ittannay s mk ann tghawsiwin, llan ukan sul inaghan gr ufgan d umas, mk lli llan gr tskliwin ; ku yat tra ad tssudu ta nn yadn ngh ad tt ak tslah.

Isul …

  1. ayyuz d wattas mass n tifinav issusm iyi bahra ad ak iniv ad issighzif rbbi tudrt nnk i tifawt tumla n wafulki tlit umnan nns g umaeal iswa wul tidi n tirra nnk yagm ungim tifawin s tugga nnk nsadfut bahra s tvri n tannayin nnk iziln
    rad ak iniv s ils akhbur:
    amin ak ig rbbi d lain ur ittvarn
    tanmmirt ….

Fel agh tannayt

Your email address will not be published. Required fields are marked *