Tafsut g Itayla (Anqqis: Absus)

Ass n Acur 19 Abril 2009, isfugla “ugraw adlsan amazigh g Italya ” (ass. culturale berbera) tafsut n imazighen gh « tgmmi n tusniwin n umadal »(casa delle culture) g Milano .
Yuckad umussu ad f ad issimghur imghnasen lli sfaskanin fkin talalit i tfsut n imazighen g dzayer, ig ula tizi gh tufkkan kigan d isisfiwn y imzddaghen n Milano f tussna n yan gh imadan imzwura n tsga n iffus n yil anammas (Mediteranée).
Gh umsri n tgmi, tuskaren tugt n imussuten rksnin : asfesr udlis d tullafin llid ssaggwanin tamurt n imazighen zegh kanarya ar siwa, akllu n lhenna, imTTi n tiram lli s ttussan imazighn zund scsu atay d tiyad..
Gh umzwazu, ifka uslway n tmsnunt Mas Vermondo – igan asalamd n tutlayt d tussna tamazight gh tmzrawt n La Bicoca g Milano – tugtt n isisfiwn f wammak n tfsut n imazighen, idfur tid usaru igzzuln n Zakaria Bakkali “One way “, asaru yad ibidd f kra n imukrisn n inmudda, rann tafim isififiwen yadni f usaru yad g : http://www.agraw.com/modules/news/article.php?storyid=107.
Igira n mayan, innurzem usarag yumarg amazigh d unazur “kiki Ensemble”. Ig imnsi tamlda g itufka ugdud ad imDi tiram n tmazgha ( sksu, atay, timam…)
Tsmd tfugla s yan usaru iZiln : “Pain nu ” (aghrum izwan) lli ittuskaren f ungal n umara amqran Mohmad Choukri, asaru yad issufgh tid Rachid Benhadj s tmawast n italia-marrok-fransa.
Tga tfugla yad yat tmlda gh ssyafan imazighen lli ddrnin gh italia tumert n unmuqar nger a t sen slawnd akk lligh uckan s tugtt awsen ad yili wass an tadfi ns immimen yusin ammaken ggutnin.

Aneqqis n Lahsen Absus seg Italya.

italy2

italy3

italy1

Fel agh tannayt

Your email address will not be published. Required fields are marked *