« Adustur Amghrabi » d Tmagit Tamazight

Ar tura (ghila), ur ta tzdar tanbatt n lmaghrib ad tsker g temazight tutlayt ns tunsibt (langue officielle) .
Maxx ? Aseqqsi amqran ayad ?

Igh nurri s umzruy, ran nafi mas bahra drusn izmaz lligh tga temazight tutlayt tunsibt n tesrtit (politique) ula ahdrun (religion), turri bdda f usga tfel amras ns i tutlayin n imughaz.
ghik-an d uzemz ad llig neddr, tamazight tga ghass
(ghir) awal n inamurn g taddarin (tigwmma) d teswak tefl imrasn unsibn (domaines officiels) i taârabt d tefransist lli bughlanin g isuyas n tedamsa (économie) d tinimmelin (écoles) d usmal d temndiwin (institutions) n tanbatt s umata (akkw).

Maxx ? ? Aseqqsi bahra mqqurn ayad ?

Lligh iffugh umaghuz arumi g 1956, tmun trabbut lli mu ttinin « amussu anamur » nttat d lmxezn s teslwayt n ugllid muhmmad wiss 5 f umqqen axatar lli f rad tsku tanbatt tirsal ns, mcickin-d akkw f tebrida n taydyulujit n taâraslamt, sittin tamazight f usga lli yadlli ittafn imik n watig dar umaghuz arumi, munen kullu (lmxzen d ikabarn isrtanen swa ifasiyn gisn ula izlmadn ) f usnghubu n tifraz n temagit tamazight g usmal d igherbaz(tinimmelin)… gwdeln assaghn d uskkir n temsmunin timazighin, ar kkerzn tasrtit n usârreb 50 n usggwas ayad g wakal amazigh, srfufnn amadan (peuple) amazigh g idurar ula timdinin, sndallfen imeghnasn (ttayn lexttabi, neghin lmsaâdi d wiyyad, sneghubun lhbbaz, amzen azayku d idbelqasm d ikken d harc rras d wiyyad ).

Amqqen ad axatar lli f munen ssaghen as adustur, sawln gis f :

– temagit n tawunkt (état) mas tga “taârabt-tamuslmt” tg agzzum g lmaghrib amqran n waârabn,

– tutlayt tunsibt n tawunkt mas tga ghass taârabt,

– tirsal n tanbatt mas bidden-t ghass f taâraslamt.

Imir wiss 19 gh udustur ad iskr gh ugllid “LAMIR LMUMININ”, lli irksen gr tesrtit d uhdrun, isers agllid s ghemk-an g berra n temasayt (responsabilité), isku yas tirsal ns f taydyulujit n uhdrun ilsan aqccab n târabt.

Tuskka yad tasrtant (système politique), lli ibidden f tutlayt n uhdrun, is tezdar ad tsker g temazight tutlayt ns tunsibt?

Igh urta tsenfl tenbatt adustur ad s wayyad issenen s “telayikt “ (la laïcité), lli ibiddn f tesaghult tamadlant n izerfan n ufgan, issenen s isentayn n tatrart (modernité) d teghikant ( relativité ), d temnnawt d luqqer n wiyyad ( ihdrunen, tidlsiwin ula tafganit akkw ), ur ad tizdir ad tssen s temazight mas tga tutlayt tunsibt.
-Ghayan af isgwdl uwnni agldan
(discours royal) tasrtit f temazight iswwuttu yas asays n tedlsa g ugns n unsinag agldan n tewssna Tamazight (IRCAM).

-Ghayan af tsgwdl tanbatt akabar asrtan adimuqrat amazigh (PDAM).

Tawunkt (état) igh tra ad tg tatrart (moderne)

tadimkratt, iqqan-d ad tsenfl tirsal ns s temazight lli bdda isngaran gr TALB d UMGHAR, tasutin f tasutin ayad, ku yan gisn d usays ns.

Fel agh tannayt

Your email address will not be published. Required fields are marked *