Taddwarit

Mohamed Akunad

Tirirtt Trabbut n : Massinissa

Tiwwargiwin n wurgh a taddewarit !
kemmi n agh ten t iwigh gant tadliwin
ghwmigh sisen t ass ad urta d ilul

jjigh sisen t aggas wad iberrin
manza kem? Manza tent ?
amarg nnun t
issus agh akw tasa nu a taddewarit
ussan inu asêmmid irigh gitun t tafukt

ad agh nteln t s uzênzar nes
nekkin azûmgh urarn amer f kemmi n
asif aragh aqqeran ran tangirit
nekkin tuf iyyi tamettant ad tiggira negh
iwin wid a ttunin is akw ummern
timim asn tassudut f taddângiwin
anli nu ar ka ttinin ikwtid
ul inu tumert
ikwtid ajddig izêra gitun t
tsis tayri gh ul inu
hacagh akal
irigh
ad skugh gh itran amarg nnun t
igh akw ur righ aman ngigh darun t
tuzunt ad irufan neg as tissi nes
ur akw ssihiln isaffen wida usinin
gh ugens ayyur ifawen ur an jellun
kemmi n
iggi n udem nem agh an gwemmigh
tiddi nu ula igh rzîgh
a taddewarit.

  1. azul adelasan

    gh omzwaru, ar nsnimmir marra imazighn lli skanin igidar n usml ad. ar nsnimmir kigan imaratn imazighn f twwuriwin nsn gh igr n tskla tamazight d warra amazigh. ghaklli nsnimmir amara amazigh Mohmmad Akunad f twwuri ns gh igr n Ungal amazigh d usughl s tmazight…

    ar nssutur gh tarwa n TMAZGHA ad gn afus n tghnsa gh ufus n udels.

    ouboubker abderrahmane ( amazigh fdoux )
    anirazoulid@hotmail.com
    06 77 60 09 91

Fel agh tannayt

Your email address will not be published. Required fields are marked *